Son çempion yeni mövsümə darmadağınla başladı
15 aprel 2012 00:55
Ötən gün Bakı Otüstü Hokkey Kompleksində otüstü hokkey üzrə sayca XI Azərbaycan çempionatı start götürüb. Azerisport.az xəbər verir ki, ilk olaraq yarışa yüksək dəstədə çıxış edən klublar qoşulublar.
Birinci turun start oyununda ötən ilki çempion “Akkord” və Azərbaycanın 16 yaşlılardan təşkil olunan Sumqayıtın “Gənclik” komandaları qarşılaşıb. Baş məşqçi Feyzulla Rəhimbəyovun rəhbərlik etdiyi şirkət təmsilçiləri yeniyetmələri 6:0 hesabı ilə məğlubiyyətə uğradıblar. Rəqib qapısına vurulan toplardan 6-nın da müəllifi Saleh Balamiyev olub.
Turun ikinci görüşü isə ötən ilki gümüş mükafatçısı “Atasport” (Bakı) bürünc medalların sahibi-“Şahdağ”(Qusar) klubları arasında keçirilib. Yalçın Qayıbov 1-ci hissədə şimal bögəsi hokkeyçilərini hesabda irəli çıxarsa da, fasilədən sonra paytaxt təmsilçiləri Nəsrəddin Hüseynovun sona 5 dəqiqə qalmış vurduğu qolla hesaba tarazlıq gətirib. Matç 1:1 hesabıyla heç-heçə başa çatıb.
Qadın komandaları da şənbə günü bir oyun keçiriblər. Ötən ilki çempion - “Bakı” lənkəranlıları (11:0) hesabıyla məğlubiyyətə uğradıb. Topları rəqib qapısından Aygün Muxtarova (6 ), Gülər Aydınlı (3), Nərgiz Novruzova (1 ) və Xalidə Zeynalova (1) keçiriblər.
Birinci turun digər görüşləri bu gün aşağıdakı cütlər arasında baş tutacaq.
