Çempionluğa doğru daha bir addım
19 sentyabr 2011 12:10
Otüstü hokkey üzrə sayca 10-cu Azərbaycan çempionatının II dövrəsi start götürüb. Azerisport.az xəbər verir k, ilk olaraq meydanda yüksək dəstədə çıxış edən kişilərdən ibarət komandalar mübarizəyə başlayıb.
Sumqayıtın "Gənclik" klubu çempionatın lideri - "Akkord"la oyunda yalnız birinci hissədə rəqibinə müqavimət göstərə bilib. Matçın 30-cu dəqiqəsində Elnur Nəbiyev hesabı açdıqdan sonra hadisələr sumqayıtlıların əleyhinə işləməyə başlayıb. Komandalar fasiləyə "Akkord"un minimal üstünlüyü ilə yollanıblar. İkinci hissədə isə stadionda baş məşqçi Feyzulla Rəhimbəyovun daha təcrübəli oyunçuları rəqiblərinə meydan oxumağa başlayıblar. Bunun məntiqi nəticəsi kimi şirkət təmsilçiləri "Gənclik" komandasının qapısından 5 cavabsız qol keçiriblər. Həmin görüşdə çempionatın bombardiri Saleh Balamiyev top vurmasa da "Akkord"un digər hücmçusu Elnur Nəbiyev 3 qolun müəllifi olub. Digər 3 qolu isə rəqib qapısından Samir Bəkirov,Taleh Əliyev və Rauf Şükürov keçiriblər.
"Şahdağ" (Qusar) - "Atasport" (Bakı) matçının gərgin keçəcəyi gözlənisə də, bu dəfə əyalət təmsilçilərini tanımaq mümkün olmayıb. Heyətini bir qədər gəncləşdirən "Atasport" ötən mövsümün gümüş mükafatçısı - Qusar hokkeyçilərininin "göz açmasına" imkan verməyib. Birinci hissədə Ruslan Kargin dalbadal 2 qol vurduqdan sonra Kənan Şirinov, Əli Nadirov və Dmitri Yayiçnikov da hərəyə 1 qol sevinci yaşayıblar. Qusar hokkeyçiləri isə oyunun son dəqiqələrində Tehran Pirsaatovun yeganə cavab topundan təsəlli tapıblar.
|
Komandalar
|
O
|
Q
|
H
|
M
|
Qollar
|
Xallar
|
|
"Akkord" (Bakı)
|
7
|
7
|
0
|
0
|
40-6
|
21
|
|
"Atasport" (Bakı)
|
7
|
4
|
0
|
3
|
28-16
|
12
|
|
"Şahdağ" (Qusar)
|
7
|
3
|
0
|
4
|
15-22
|
9
|
|
"Gənclik" (Sumqayıt)
|
7
|
0
|
0
|
7
|
4-43
|
0
|
Şənbə günü qadınların yarışında da 1 oyun olub. Sumqayıt hokkeyçiləri Lənkəranın "Xəzər" komandası ilə görüşdə 3:1 hesabı ilə qələbə qazanıb. Qadın komandalarının daha 2 qarşılaşması isə bazar günü baş tutub. "Təhsil" (Bakı) - "Atasport-2" matçında ənənə pozulmayıb. Birinci dövrədə olduğu kimi,"Təhsil" bu dəfə də böyük hesabla məğlub olub. Fərq ondadı ki, ilk oyunda "Atasport-2" 16:0 hesabıyla qalib gəlmişdi. Bu dəfə isə Svetlana Esaulovanın yetirmələri 1 qol az vurublar. Günün 2-ci oyunu Qusar təmsilçiləri - "Samur" və "Şahdağ" komandaları arasında keçirilib. Şimal bölgəsindən olan rəqiblərin I dövrədəki qarşılaşmasında heç-heçə qeydə alınmışdı. O zaman çempionatın debütantı - "Samur"un baş məşqçisi Fəryad Mərdanov kifayət qədər üstünlük nəticəsində qələbə qazana bilmədiklərinə görə təəssüflənirdi. İkinci dövrədə "Şahdağ"ı məğlub edə biləcəklərini gizlətmirdi. Bazar günü "Samur" yenə də üstün oyun nümayiş etdirsə də ilk yarıda rəqiblərdən heç biri fərqlənə bilməyib. Fasilədən sonra da Fəryad Mərdanovun komandası "Şahdağ" hokkeyçilərinə qalib gəlmək istəyi ilə irəli atılsalar da, ilk qol "Şahdağ" komandasından gəlib. 40-cı dəqiqədə Albina Rəcəbova hesabı açıb. Bir dəqiqə keçmiş Səbinə Kərimova 2-ci qolu qapıdan keçirdi. Bu azmış kimi, Sədaqət Ağabəyovanın yetirmələri 50-ci dəqiqədə İra Qəribovanın vurduğu 3-cü qola da seviniblər. Oyunun son dəqiqələrində "Samur"un hokkeyçisi Yeganə Qazıxanova 1 qol vuraraq hesab atrasındakı fərqi azalda bilib. Beləliklə, matç 3:1 hesabıyla "Şahdağ" klubunun xeyrinə qurtarıb.
|
Komandalar
|
O
|
Q
|
H
|
M
|
Qollar
|
Xallar
|
|
"Atasport-2"
|
7
|
6
|
0
|
1
|
71-2
|
18
|
|
"Bakı"
|
6
|
6
|
0
|
0
|
63-0
|
18
|
|
"Sumqayıt"
|
7
|
4
|
1
|
2
|
14-19
|
13
|
|
"Şahdağ" (Qusar)
|
7
|
3
|
1
|
3
|
13-21
|
10
|
|
"Samur" (Qusar)
|
7
|
2
|
2
|
3
|
6-24
|
8
|
|
"Xəzər" (Lənkəran)
|
7
|
1
|
0
|
6
|
11-29
|
3
|
|
"Təhsil"(Bakı)
|
7
|
0
|
0
|
7
|
0-81
|
0
|
