Tennisçilərimizin Zaqrebdə uğurlu çıxışı davam edir
10 iyul 2016 15:00
Zaqrebdə (Xorvatiya) stolüstü tennis üzrə yeniyetmə və gənclərin Avropa çempionatı davam edir. Azerisport.az xəbər verir ki, dünən ilk qrup mərhələsinə yekun vurulub.
Gənc qızlardan ibarət komandamız İtaliyaya, yeniyetmə qızlar Bosniya və Hersoqovinaya, yeniyetmə oğlanlar isə Estoniyaya 3:0 hesabıyla qalib gəlib.
Pley-off mərhələsində yeniyetmə qızlar Slovakiyanı, yeniyetmə oğlanlar Yunanıstanı eyni hesabla məğlub edib - 3:0.
Qeyd edək ki, bu gün gənc qızlarımız pley-offda Bolqarıstanla qarşılaşıb. Millimiz bu görüşü də 3:0 hesabıyla qalib başa vurub.
