Zaur Svanadze: Rotasiyaya əl atmayacağıq
1 dekabr 2016 15:40
"İnter"in baş məşqçisi Zaur Svanadze Azərbaycan Kubokunun 1/8 final mərhələsi çərçivəsində "Qaradağ Lökbatan"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:
"Heyətdə itki yoxdur. Mirhüseyn Seyidov istisna olmaqla, bütün futbolçular özlərini normal hiss edirlər. Düzdür, rəqibimiz Birinci Divizion təmsilçisidir. Amma buna baxmayaraq, heyətdə rotasiyaya əl atmayacağıq. Məsələ burasındadır ki, bu mərhələdə hər şeyə bir oyunda aydınlıq gəlir və arxayınlaşmaq olmaz. Qələbə qazanmaq lazımdır. Kubokda da qarşımıza ən yüksək hədəflər qoymuşuq".
