Braziliya yenə olimpiya çempionu ola bilmədi
12 avqust 2012 01:47
London Yay Olimpiya Oyunlarında kişilər arasında futbol yarışına yekun vurulub. Azerisport.az xəbər verir ki, Londondakı “Uembli” stadionunda keçirilən həlledici qarşılaşmada Braziliya və Meksika yığmaları qarşılaşıblar.
Oyun başlayan kimi meksikalı futbolçu Oribe Peralta hesabı açıb. Bundan sonra hesabı bərabərləşdirməyə çalışan Braziliyanın bütün cəhdləri nəticəsiz aqılb. Əvəzində Peralta 75-ci dəqiqədə özünün və komandasının ikinci qolunu vurub. Braziliyanın qol axtarışları 90+1-ci dəqiqədə nəticə verib. Lakin onların bundan artığına gücü çatmayıb.
Qeyd edək ki, bu olimpiadanın da favoriti hesab olunan Braziliya yığması dünyanın ən titullu komandası olsa da, olimpiya “qızıl”ını qazanmayıb. “Sambaçılar” indiyədək üç dəfə gümüş, üç dəfə bürünc medala sahib çıxıb. Meksika isə tarixində dördüncü dəfə qatıldığı olimpiadada ilk dəfə qızıl medal qazanıb.
London-2012
Futbol (Final)
11 avqust
Braziliya – Meksika – 1:2
Qollar: Halk, 90 – Peralta, 1; 75.