Prezident İlham Əliyev və Birinci Xanım Mehriban Əliyeva Soçidə Olimpiya Oyunlarının qlobal idman təntənəsinə qatılmışlar
9 fevral 2014 14:00
Azərbaycanın Prezidenti və Birinci Xanımı Olimpiya Oyunlarının Soçidə başladığı zaman qlobal idman təntənəsinə qatılmışlar. Azerisport.az xəbər verir ki, “Bakı 2015” ilk Avropa Oyunlarının təşkilatçıları Soçidə atletlərə göstərilən xidmətləri yüksək dəyərləndirdilər.
Soçi, 8 fevral 2014-cü il: Bu gün, Azərbaycanın siyasi və idman rəhbərləri qarşıdan gələn Oyunlarda cəsarəti və nailiyyətləri bütün dünyanı ilhamlandıracaq “Soçi-2014” Qış Olimpiya Oyunlarının atletlərini yüksək dəyərləndirmişlər.
Azərbaycan Prezidenti və onun xanımı bildirmişlər ki, hər ölkədən gəlmiş hər bir Olimpiya idmançısı bu Oyunların idmançıları kimi beynəlxalq idman zirvəsində ən yüksək standartlara nail olduqlarına görə hörmət və etimad qazanmışlar.
Prezident İlham Əliyev və Birinci Xanım Mehriban Əliyeva qeyd etmişlər: “Biz atletlərimizi və Azərbaycandan olan komandalarımızı dəstəkləmək üçün buradayıq, lakin eyni zamanda, Olimpiya hərəkatını və onun yönəltdiyi idmançıları, Oyunların əsl ulduzlarını dəstəkləmək üçün gəlmişik”.
Onlar bildirmişlər: “Dünya, xüsusən də, dünya gəncləri havada, qar üzərində və buzda sürətlə yarışan, xizək çəkən, konki sürən və səmaya qalxan, o cümlədən Soçi Oyunlarında burada insan nailiyyətlərinin yeni zirvələrini fəth edən atletlərin böyük şücaəti, təsəvvürü, yaradıcılığı və cəsarəti ilə ilhamlanacaq”.
“Atletlər bütün siyasi, coğrafi və mədəni hüdudlara baxmayaraq, idmanın insanları və ölkələri birləşdirmək kimi unikal qüvvəsini təcəssüm və nümayiş etdirirlər”.
Azərbaycan Prezidenti və xanımı qeyd etmişlər ki, Azərbaycan idman və Olimpiya Oyunlarında çox maraqlıdır, Olimpiya dövlətləri və Avropa atletləri adından 2015-ci ilin iyun ayında paytaxt Bakı şəhərində ilk Avropa Oyunlarını qəbul etməyə hazırlaşır.
Azərbaycanın gənclər və idman naziri Azad Rəhimov bildirmişdir ki, Bakının Avropa Oyunları Əməliyyat Komitəsinin (BAOƏK) nümayəndə heyəti, həmçinin, Oyunları müşahidə etmək məqsədilə Soçidədir.
“Soçi Oyunları Olimpiya Oyunları modelinin operativ işləməsini müşahidə etmək və “Bakı-2015” ilk Avropa Oyunları üçün bəzi planlaşdırma məsələlərini yoxlamaq məqsədilə bizim üçün önəmli fürsət olacaq”.
Həmçinin BAOƏK baş icraçı direktoru olan nazir Rəhimov Olimpiya Kəndində və Soçi Oyunları üçün yarış məkanlarında göstərilən xidmətlərin və yaradılmış şəraitlərin yüksək keyfiyyətini dəyərləndirmişdir.
O, bildirmişdir: “Təşkilat Komitəsi atletlər üçün yaxşı məşq yerləri, düzgün avadanlıq, yaxşı keyfiyyətli yerləşmə, lazımi qida və effektiv nəqliyyatı təmin etməlidir. Biz deyə bilərik ki, “London-2012” heyəti kimi Soçi də atletlər üçün bütün bu xidmətləri olduqca yüksək səviyyədə göstərmişdir və biz Milli Olimpiya Komitəmizin rəsmiləri və idmançılarımız tərəfindən Soçidə atletlərə göstərilən yüksək keyfiyyətli xidmətlərlə bağlı bütövlükdə verilən yüksək qiymətlərin şahidi oluruq”.
BOK-un yüksək rütbəli üzvü və Avropa Olimpiya Komitəsinin Prezidenti Patrik Hikki qeyd etmişdir ki, 18 idman növü üzrə bütün 49 Avropa Olimpiya dövlətlərindən olan 5400-dən artıq atletləri bir araya gətirəcək Avropa Oyunları “Rio-2016” Olimpiya Oyunları üçün lisenziya tədbirinə çevriləcək və hazırlıq işləri cədvələ uyğun gedir.
AOK-un Prezidenti Hikki demişdir: “Əminəm ki, Bakı Avropanın qürur duyacaq yüksək səviyyəli nəticələrlə yüksək keyfiyyətli idman tədbirini təşkil edəcək”.
“Bakı-2015 Oyunları üçün hazırlıq işləri, o cümlədən yeni yerlərin və dəstəkləyici infrastrukturun tikintisi cədvələ uyğun gedir və Avropa Oyunlarında yeni ulduzlar çıxış edəcək və Avropanın növbəti atletlər nəsli üçün karyeranı müəyyən edən anlar və çıxışlar olacaq”.
Avropa Oyunlarının təşkilatçıları qeyd etmişlər ki, Bakı aprel ayında “AIPS” beynəlxalq peşəkar idman reportyorların 90-cı yubiley konqresini qəbul edəcək və Avropa üçün yeni dünya miqyaslı idman mərkəzi qismində mühüm idman tədbirlərini, eləcə də ilin ortasında Gimnastika Çempionatını qəbul etməkdə davam edəcək.