DÇ-də çıxış edəcək milli komandamızın heyəti
Avqustun 7-də Rusiyanın paytaxtı Moskvada kayak və kanoe üzrə dünya çempionatı start götürəcək. Azerisport.az xəbər verir ki, nüfuzlu yarışda Azərbaycanı 6 idmançı təmsil edəcək.
Kayakçıların mübarizəsində 1 nəfərlik qayıqla (K-1) Mirnazim Cavadov həm 200 metr, həm də 1000 metr məsafələrə yürüş edəcək. Aleksey Solovey isə 1000 metr məsafəyə yarışacaq.
Kanoeçilərin yarışında 1 nəfərlik qayıqla (C-1) 4 qat dünya və 4 qat Avropa çempionu Valentin Demyanenko 200 metr, Nikolay Matviyçuk isə 1000 metr məsafəni qət edəcək.
Nəhayət, Bezuqlıy – Kupin dueti 2 nəfərlik qayıqla (C-2) həm 1000 metr, həm də 500 metr məsafələrə yürüş edəcək.
Qeyd edək ki, dünya çempionatına avqustun 10-da yekun vurulacaq.
(Azərbaycan Milli Avarçəkmə Federasiyasının mətbuat xidməti)
