Son yarımfinalçı İtaliya oldu (YENİLƏNİB)
25 iyun 2012 02:24
Sayca 14-cü Avropa çempionatı davam edir. Azerisport.az xəbər verir ki, Ukrayna və Polşanın birgə ev sahibliyi etdiyi turnirin 16-cı oyun günündə də bir qarşılaşma baş tutub.
1/4 final mərhələsinin sonuncu - dördüncü oyununda İngiltərə və İtaliya üz-üzə gəlib. Qitə birinciliyinin əsas favoritlərindən hesab olunan komandaların görüşü maraqla gözlənilirdi. Qalib gələn komanda AÇ-2012-nin sonuncu yarımfinalçısı adını qazanacaqdı. Qeyd edək ki, bu cütün qalibi yarımfinalda Almaniya ilə üz-üzə gəlməliydi.
Görüş İtaliyanın böyük ərazi üstünlüyü şəraitində keçsə də, həm "skuadra adzurra", həm də ingilislər qol vurmaq sevinci yaşaya bilməyiblər. Beləcə, bu AÇ-də ilk dəfə əlavə vaxta ehtiyac duyulub. Lakin əlavə vaxtda da hesabı açmaq mümkün olmayınca, penalti seriyası "işə düşüb". Lotereyada daha dəqiq olan italyanlar son yarımfinalçı olublar.
Maraq üçün xatırladaq ki, qrup mərhələsində C qrupunda yer alan İtaliya İrlandiyaya 2:0 qalib gəlmiş, İspaniya və Xorvatiya ilə eyni hesablı heç-heçəyə razılaşmışdı – 1:1. İngiltərə isə D qrupunda Ukrayna (1:0) və İsveçə (3:2) qalib gəlmiş, Fransa ilə sülh bağlamışdı – 1:1.
Sonda onu da bildirək ki, AÇ-də iki günlük fasilə olacaq. İyunun 27-də ilk yarımfinal oyunu keçiriləcək.
AÇ-2012
1/4 final
24 iyun
İNGİLTƏRƏ - İTALİYA - 0:0 (penaltilərlə - 2:4)
Ukrayna. Kiyev. “Olimpiyski” stadionu
Baş hakim: Pedru Proensa (Portuqaliya)
İNGİLTƏRƏ: Hart, Conson, E.Koul, Terri, Leskott, Cerard (k), Yanq, Milner (Uolkot, 61), Parker (Henderson, 94), Runi, Uelbek (Kerol, 60).
İTALİYA: Buffon (k), Balsaretti, Abate (Maco, 90+1), Barzaqli, Bonuççi, Markizio, De Rossi (Noçerino, 80), Montolivo, Pirlo, Balotelli, Kassano (Diamanti, 78).
Penalti seriyası:
Balotelli - 0:1
Cerard - 1:1
Montolivo - 1:1
Runi - 2:1
Pirlo - 2:2
E.Yanq - 2:2
Noçerino - 2:3
E.Koul - 2:3
Diamanti - 2:4