Məsud Yusifzadə Minskdə çempion oldu
Belarusun paytaxtı Minskdə Sovet İttifaqı qəhrəmanı Viktor Leventsevin xatirəsinə həsr olunan beynəlxalq turnirə yekun vurulub. Azerisport.az xəbər verir ki, komandamız yarışda 3 boksçu ilə təmsil olunub.
52 kq çəki dərəcəsində çıxış edən Məsud Yusifzadə moldovalı Aleksandr Rıskan və türkmənistanlı Bayramxan Permanovu məğlub edərək, finala vəsiqə qazanıb.
Həmyerlimiz həlledici görüşdə Tunis təmsilçisi Montassan Əl Banalidən üstün olaraq, yarışın baş mükafatına layiq görülüb.
Bu dəfə fərqli çəkidə (64 kq) mübarizə aparan Elvin İsayev ilk mərhələdə moldovalı Vladislav Çuqui üzərində qələbə qazansa da, ikinci görüşdə qazaxıstanlı Ayan Kolibekova uduzub.
Cavid Quliyev isə (69 kq) ilk qarşılaşmada rusiyalı Hacımurat Mikailova məğlub olaraq, yarışdan kənarda qalıb.
Qeyd edək ki, turnirdə ölkəmizi hakim kimi Emil Qurbanəliyev təmsil edib.
