Fotoreportaj|Video|На русском

Ağır atletika

Zülfüqar Süleymanov: Bu hədiyyə mənim üçün ali mükafatdı

23 dekabr 2013 14:40
Azerisport.az sizi ağır atlet Zülfüqar Süleymanovun müsahibəsi ilə tanış edir
 
- Azərbaycan Prezidenti İlham Əliyevin mənzil hədiyyə etdiyi idmançılar arasında sən də varsan. Bu münasibətlə səni təbrik edirik. Hansı hisslər keçirirsən?
- Mən də öz növbəmdə diqqətinizə görə sizə təşəkkür edirəm. Çox sağ olun. Açığı, hisslərimi sözlərlə ifadə etməkdə çətinlik çəkirəm. Təbii ki, ora gedəndə nitq hazırlamışdım. Amma görüş zamanı cənab Prezident mənim və ailəmin uğurları haqda məlumatlı olduğunu deyəndə, böyük həyəcan və qürur hissi keçirdim. Bu sözlər məni o qədər həyəcanlandırdı ki, hazırladığım nitqi belə unutdum. Etiraf edim ki, dövlət başçımızın əlindən belə hədiyyəni almaq ən böyük arzum idi. Yəni, Prezidentimizin təqdim etdiyi hədiyyə mənim üçün həqiqətən ali mükafat oldu. Mənə nəsib olduğuna görə, Allaha min dəfə şükür edirəm.

- Uğurlarında kimlərin rolu var?
- Ailəm, məşqçilərim həmişə mənə dəstək olublar. Azərbaycan Ağır Atletika Federasiyasının rəhbərliyindən daima dəstək görmüşəm. Məhz rəhbərliyimizin köməyi sayəsində məşq prosesində lazımi idman qurğuları və ləvazimatlarla təmin olunuruq. Biz idmançılar üçün yaradılan ümumi şəraiti, daim əhatə olunduğumuz diqqəti də xüsusi qeyd etməliyəm. AAAF-ın prezidenti Cahangir Əsgərova buna görə, təşəkkür edirəm. Əlbəttə ki, ən böyük təşəkkürümü dövlət başçımız, Milli Olimpiya Komitəsinin prezidenti İlham Əliyevə bildirirəm. O, idmana və idmançılara çox böyük qayğı və diqqət nümayiş etdirir. Bunun nəticəsidir ki, idmançılarımız ilbəil rekord sayda medallar qazanaraq ölkəmizə gətirir. Dünyanın idman arenalarında Azərbaycanın adını yüksək tuturlar.

 
- 2013-cü ili özün üçün necə xarakterizə edərdin?
- Çox düşərli və uğurlu oldu. Ötən ilin dekabr ayından bu yana üç böyük yarışda iştirak etdim – İWF-in qran –pri seriyasından olan Beynəlxalq Bakı Kuboku, Avropa çempionatı və İslam Həmrəylik Oyunları. Hər üçündə bürünc medal qazandım. Əziyyətimin bəhrəsini gördüm. Çox şadam ki, Prezidentimiz çəkdiyim zəhməti belə yüksək səviyyədə qiymətləndirdi. Ona bir daha təşəkkür edirəm.

 
- İl ərzində qazandığın uğurlar nə ilə bağlıdır?
- Yığmamızın baş məşqçisi Zlatan Vanev müsahibələrində bir neçə dəfə etiraf edib ki, idmançılarımız arasında xarakter nümayişi və mübarizlik kimi keyfiyyətlər məhz məndə var. Yəni atlet var ki, zalda dünya rekordu edir, ancaq yarışa gələndə, məşqdəkindən qat-qat aşağı nəticə göstərir. Mən isə əksinə, yarışda məşqdə qaldırdığım çəkinin eynisini, hətta ondan artığını da qaldıra bilirəm. Bu xüsusiyyətim yığmanın baş məşqçisi Zlatan Vanevin də gözündən yayınmayıb. Zənnimcə, məhz bu xüsusiyyətimə görə, o mənə etimad göstərir, yarışlara aparır. Çox güman ki, əldə etdiyim yaxşı nəticələrin səbəbi psixoloji cəhətdən güclü olmağımdadır.

 
- İdmançı ailəsindənsən. Qardaşların da vaxtilə beynəlxalq yarışlarda uğurlar qazanıblar. Yəqin ki, qələbə qazanmağında bu fakt da az rol oynamır. Əks halda, yarışdan sonra belə ailəyə məğlub qayıtmaq elə də asan olmaz…
- Tamamilə doğrudur. Ən böyük qardaşım Hafiz Süleymanov ikiqat dünya çempionu, dünya rekordçusu, 5 qat Avropa çempionudur. Ailədə bir nəfər uğur qazandısa, digərləri də ona baxıb təkrarlamağa çalışırlar. Üstəlik, valideynlərimiz də bizə dəstək oldular. Hafizdən sonra o biri qardaşım da idmana getdi, sonra mən… Bildiyimə görə, indiyədək dünya idman tarixində Avropa və dünya çempionatlarından medal gətirən dörd qardaş olmayıb. Bizim ailə bu mənada rekord vurub. Üç qardaş, bir ata iki oğul olub, ancaq dörd qardaş yox. Bunu biz Süleymanovlar etdik.

 
- 2014-cü ildə hədəfin nədir?
- Sözün açığı, bir müddət əvvəl karyeramı bitirmək haqda düşünürdüm, bu idmandan küsmüşdüm bir qədər. Ancaq Azərbaycan Prezidenti cənab İlham Əliyevin mənə verdiyi bu mükafat, üstəlik, illər öncə qardaşımı da eyni cür təltif etdiyini xatırlaması mənə böyük stimul oldu. Ağır atletikada daha bir neçə il qalıb uğurlar qazanmaq istəyirəm.
 
aaaf.az
Baxılıb: 1555
22 sentyabr18:01 «Qara Bazara» son zərbə12 yanvar18:10 İradə Quliyeva: O vaxt öz kapitan sarğımı ona hədiyyə etmişdim17:50 Reytinq cədvəli açıqlanıb10 yanvar16:19 Qarabağa yeni futbolçu qoşuldu13:15 İqnasio Herrera komandaya qoşuldu12:08 Azərbaycan - Almaniya: Biletlərin onlayn satışı başladı11:41 Bakı sakini Topazda 250 000 manat uddu 11:35 İbrahim Şehiç: Ötən il mənim həyatımda ən uğurlu il oldu11:10 Təbriz Həsənov: Futbolda belə nəticələrlə qarşılaşmaq mümkündür9 yanvar15:13 Yığmamız özünə iki rəqib tapdı14:46 Elxan Abdullayev: Komanda yaxşı təsir bağışladı14:43 Elşən Abdullayev: Əsas heyətə düşmək özümdən asılıdır14:33 Ştutqart və Feyenoord-un futbolçuları Azərbaycan yığmasında14:01 Dilarə Əhmədova: Veteran futbolçuların təcrübəsindən yararlanmalıyıq23 dekabr17:43 Vəsait Xəzər Lənkəran klubunun hesabına köçürülüb15:13 Güləşçilərimiz 2016-cı il ərzində 62 qızıl, 61 gümüş, 132 bürünc medal qazanıb13:12 Kamran Quliyev Klublar Komitəsinin sədri seçilib00:44 «Şans qazanmağım mənim üçün gözlənilməz deyildi»22 dekabr14:31 Millimiz ili 90-cı pillədə başa vurdu13:18 Qarabağ klubu məşqçisinə görə cəzalandırılıb12:35 İnter PİK-in yeni prezidenti10:38 Asif Məmmədov: Qol vəziyyətlərindən istifadənin aşağı düşməsi əsasən son matçlarda daha qabarıq hiss olunur21 dekabr21:00 Zirədən Neftçi üzərində işə yaramayan qələbə 20:20 Neftçi məğlub olsa da, yarımfinala çıxdı 20:10 Adil Şükürov: Azarkeşlər bu il Zirədən çox şey gözləyirlər20:00 Elxan Abdullayev: Zirə kimə 4 qol vurub ki, bizə də vursun?19:55 Sumqayıt Qarabağla doğma meydanda da bacarmadı 19:40 Qriqorçuk: İli komandam üçün uğurlu hesab edirəm19:20 AZAL da sürpriz edə bilmədi 19:10 Qəbələ AZAL-a səfərdə də qalib gəldi 19:00 Yarımfinal cütlükləri bəlli oldu18:55 Neftçi, Qəbələ, İnter və Qarabağ yarımfinalda!18:25 İnteri yarımfinala çıxaran heç-heçə 18:10 Kəpəz İnterlə Gəncədə də bacarmadı 17:50 Qurban Qurbanov: Bu il bizim üçün təcrübə ili oldu17:00 Şahin Diniyev: Bir qol lazım idi ki, ardı gəlsin16:20 Mütəmadi oynamaq üçün 6 min kilometr uzaqdakı Bakıya16:10 İnterin yeni prezidentindən komandaya təbrik15:30 Zaur Svanadze: Uşaqlar əzmkarlıq göstərdilər15:00 Şəmkir daha bir futbolçu transfer etdi
BAKU 2020
Neftchi fan shop