Argentina Messi ilə güldü, Almaniya büdrədi
Ötən gecə DÇ-2014-də daha 3 oyun baş tutub. Azerisport.az xəbər verir ki, əvvəlcə F qrupunda ikinci tura start verilib.
Qrupun favoriti sayılan Argentina İranı sınağa çəkib. Birinci oyunda Bosniya və Hersoqovinanı məğlubiyyə uğradan Lionel Messinin komanda yoldaşları üçün cənub qonşularımızla mübarizədə qələbə qazanmağın asan olmayacağı bəlliydi. Çünki ilk turda İran Afrikanın güclü yığmalarından Nigeriya ilə qolsuz bərabərə qalmışdı. Amma məhz Messinin son dəqiqələrdə vurduğu qol Argentinaya mühüm qələbə qazandırıb.
G qrupunun lideri Almaniya turnirin ən erkən qolunu buraxmış Qana ilə üz-üzə gəlib. İlk turda Portuqaliyanı darmadağın etmiş Yoahim Lövün yetirmələri bu görüşün də mütləq favoriti sayılırdı. Lakin almanlar bu görüşdə məğlubiyyətdən yaxa qurtarmalarına seviniblər. Qarşılaşma sülhlə bitib.
Oyun gününə Nigeriya - Bosniya və Hersoqovina matçı ilə yekun vurulub. Matçdakı yeganə qola afrikalılar seviniblər.
DÇ-2014
Qrup mərhələsi
21 iyun
F qrupu
Argentina - İran - 1:0
Qol: Messi, 90.
Nigeriya - Bosniya və Herseqovina - 1:0
Qol: Odemvinqie, 29.
F qrupundakı son durum: Argentina - 6, Nigeriya - 4, İran - 1, Bosniya və Herseqovina - 0.
G qrupu
Almaniya - Qana - 2:2
Qollar: Götse, 51, Kloze, 71 - Ayeu, 54, Qyan, 63.
G qrupundakı son durum: Almaniya - 4, ABŞ - 3, Qana - 1, Portuqaliya - 0.
