Gəncədə iki yubiley: Axundovla Silva ortaq oldu
Topaz Premyer Liqasının 9-cu turunun “Kəpəz”lə “İnter” arasındakı qarşılaşması iki yubileylə əlamətdar olub. Azerisport.az xəbər verir ki, 0:0 hesabı ilə başa çatan matçda hər komandanın bir üzvü Azərbaycan çempionatlarında 200-cü oyununu keçirib.
Meydan sahiblərinin heyətində yubilyar komandanın kapitanı Tural Axundov olub. 2008/09 mövsümündə debüt etdiyi Premyer Liqada 9 qol vuran müdafiəçi “200”ə 5 klubda oynamaqla çatıb. İlk oyununu MOİK-də keçirən Axundov “Muğan”, “Rəvan”, “Simurq”dan sonra “Kəpəz”də çıxış edir. 9 mövsümdə mükafat qazana bilməyən Axundovdan fərqli 200-cü matçını keçirən digər futbolçu - “İnter”in braziliyalı müdafiəçisi Denis Silva daim iddialı klublarda oynayıb. İndiki komandasınadək “Xəzər Lənkəran” və “Neftçi”də oynamış cənubi amedikalı 3 dəfə çempionluq yaşayıb. O, 5 dəfə finalında oynadığı ölkə kubokunu da 3 dəfə başı üzərinə qaldırıb. 2007/08 mövsümündə debüt etdiyi çempionatdakı 200 matçda Silvanın 11 qolu var.
Qeyd edək ki, bunadək 113 futbolçu ölkə çempionatında 200 oyun səddini fəth edib. Tural və Denis bu rəqəmi 115-ə çatdırıb. Sonuncu bunu bacaran 6-cı legioner və ilk cənubi amerikalı kimi tarixə düşüb.
Tural Axundov Premyer Liqada
2008/09 | MOİK (Bakı) | 2 | 0 |
2009/10 | Muğan (Salyan) | 11 | 2 |
2010/11 | Muğan (Salyan) | 27 | 1 |
2011/12 | Rəvan (Bakı) | 31 | 0 |
2012/13 | Rəvan (Bakı) | 23 | |
2013/14 | Simurq (Zaqatala) | 32 | 0 |
2014/15 | Simurq (Zaqatala) | 30 | 0 |
2015/16 | Kəpəz (Gəncə) | 35 | 5 |
2016/17 | Kəpəz (Gəncə) | 9 | 1 |
Cəmi | 200 | 9 |
Denis Silva Premyer Liqada
2007/08 | Xəzər Lənkəran | 11 | |
2008/09 | Xəzər Lənkəran | 15 | 3 |
2009/10 | Xəzər Lənkəran | 16 | 0 |
2010/11 | Neftçi (Bakı) | 29 | 1 |
2011/12 | Neftçi (Bakı) | 30 | 1 |
2012/13 | Neftçi (Bakı) | 14 | 1 |
2013/14 | Neftçi (Bakı) | 25 | 1 |
2014/15 | Neftçi (Bakı) | 18 | 2 |
2015/16 | İnter (Bakı) | 35 | 1 |
2016/17 | İnter (Bakı) | 7 | 1 |
Cəmi | 200 | 11 |