Qəbələ Fransadan heç-heçə ilə qayıdır
Bu gün Avropa Liqasının üçüncü təsnifat mərhələsinin ilk oyunları keçirilib. Azerisport.az xəbər verir ki, Azərbaycanın bu turnirdəki yeganə təmsilçisi - “Qəbələ” də növbəti sınağına çıxıb. "Qırmızı-qaralar” Fransanın “Lill” klubunun qonağı olub.
Əvvəlki mərhələlərdə Gürcüstanın “Samtredia” və Macarıstanın MTK klublarını mübarizədən kənarlaşdıran Roman Qriqorçukun çalışdırdığı komandamız növbəti uğuruna imza atmaq istəyir. Amma bu dəfə rəqib daha güclü və ciddi komandadır.
Təmsilçimiz mərhələ adlamaq üçün öncə Fransadan sərfəli nəticə qayıtmalı idi. Belə olan halda bir həftə sonra Bakıda keçiriləcək cavab görüşündə növbəti mərhələyə vəsiqənin taleyinə aydınlıq gətirə bilər.
Qarşılaşmada hesabı Azərbaycan klubu açıb. Amma fasilədən dərhal sonra meydan sahibləri hesaba tarazlıq gətirə biliblər. 90 dəqiqə ərzində başqa qol olmadığından, görüş 1:1 hesabıyla bitib. Hər halda ümid etmək olar ki, "Qəbələ" səfərdəki bu uğurlu nəticənin davamını avqustun 4-də Bakıda keçiriləcək cavab görüşündə də gətirə və Avroliqanın pley-offuna vəsiqə qazana biləcək.
Avropa Liqası
Üçüncü təsnifat mərhələsinin ilk oyunu
28 iyul
"Lill” - “Qəbələ” - 1:1 (0:1)
Qollar: V.Vernidub, 13 (0:1). R.Mendeş, 47 (1:1).
Sarı vərəqə: F.Ozobiç, 42. S.Korşya, 43. N.Kvekveskiri, 44.
Hakimlər: Daniel Stefanski, Rafal Rostkovski, David İqor Qolis, Zbiqnev Dobrınin (hamısı Polşa).
Lill. “Pyer Morua” stadionu.
"Lill": 1. Vinsent Enyeama, 2. Sebastyan Korşya, 5. Renato Çivelli, 8. Munir Obbadi (9. Yassin Benzia, 27), 10. Morqan Amalfitano, 11. Erik Botok, 12. Julian Palmieri, 17. Markuş Lopeş, 20. Rayan Mendeş (31. İv Bissuma, 76), 24. Rio Mavuba (k) (6. İbrahim Amadu, 62), 25. Marko Başa.
Ehtiyat oyunçular: 16. Mayk Menyan, 15. Lenni Nanjis, 18. Frank Beriya, 23. Adama Sumaoro.
Baş məşqçi: Frederik Antonetti.
"Qəbələ": 22. Dmitri Bezotosnı, 3. Voyislav Stankoviç (44. Rafael, 76), 6. Rəşad Sadiqov (k), 7. Nika Kvekveskiri, 9. Sergey Zenyov (11. Asif Məmmədov, 81), 15. Vitali Vernidub, 17. Məhəmməd Mirzəbəyov, 18. Baqali Dabo (32. Rəşad Eyyubov, 90+3), 19. Filip Ozobiç, 20. Rikardinyo, 27. Teo Uiks.
Ehtiyat oyunçular: 33. David Petrkeviç, 13. Murad Musayev, 34. Ürfan Abbasov.
Baş məşqçi: Roman Qriqorçuk.