Neftçi afrikalılardan qisasını aldı
Türkiyənin Bolu şəhərində təlim-məşq toplanışında olan “Neftçi” hazırlıq çərçivəsində ikinci yoxlama oyununu keçirib. Azerisport.az xəbər verir ki, "ağ-qaralar" Afrika klublarından seçilmiş futbolçulardan ibarət “SİBM Traning Center” komandası ilə qarşılaşıb.
“Neftçi” bu oyuna aşağıdakı heyətlə çıxıb: Krşevan Santini, Jayro, Vançe Şikov, Dario Melnyak, Məqsəd İsayev, Edson Kastilyo, Rəhman Hacıyev, Elşən Abdullayev, Araz Abdullayev, Ruslan Qurbanov, Fəhmin Muradbəyli.
Ehtiyat oyunçular: Kamran İbrahimov, Elvin Bədəlov, Rahil Məmmədov, Eltun Yaqublu, Kamal Qurbanov, Murad Ağayev, Cavid İmamverdiyev, Aqşin Qurbanlı, Orxan Qurbanlı.
Qarşılaşmaya gəlincə, ilk yarının əvvəllərində vurulan iki qol "ağ-qaralar"ı fasiləyə üstün durumda çıxarıb. Matçın son dəqiqəsində isə bakılılar daha bir qola imza atıblar. Nəticədə, paytaxt klubu rəqibini darmadağınla məğlub edib.
Xatırladaq ki, "Neftçi" bir neçə gün öncə bu rəqiblə oyunda 1:2 hesablı məğlubiyyətlə üzləşmişdi.
Yoxlama oyunu
23 iyun
"Neftçi" - "SİBM Traning Center" - 3:0 (2:0)
Oyun başladı
QOOOL! 11-ci dəqiqədə Ruslan Qurbanovun ötürməsindən sonra Rəhman Hacıyev hesabı açdı - 1:0
QOOOL! 22-ci dəqiqədə Ruslan Qurbanovun ötürməsindən sonra Araz Abdullayev fərqləndi - 2:0
32-ci dəqiqədə Fəhmin Muradbəylinin əvəzinə meydana Eltun Yaqublu daxil olur
İlk hissə başa çatdı
İkinci hissə başladı
58-ci dəqiqədə Vançe Şikov, Dario Melnyak və Elşən Abdullayevin əvəzinə meydana Kamal Qurbanov, Rahil Məmmədov və Cavid İmamaverdiyev daxil olur
66-cı dəqiqədə Məqsəd İsayevin zərbəsindən sonra top qapı dirəyinə tuş gəldi. Bundan 1 dəqiqə əvvəl isə Məqsədin qol vurmasına rəqib qapıçı mane olmuşdu
69-cu dəqiqədə Məqsəd İsayevi Ömər Buludov, Rəhman Hacıyevi isə Murad Ağayev əvəzləyir
75-ci dəqiqədə qapıçı Krşevan Santini rəqib komandanın cərimə zərbəsindən vurduğu topu zərərsizləşdirdi. Elvin Bədəlov Jaironun əvəzinə meydana daxil oldu
78-ci dəqiqədə Edson Kastilyonu Orxan Qurbanlı, Ruslan Qurbanovu isə Aqşin Qurbanlı əvəzlədi
QOOOL! 90-cı dəqiqədə Araz Abdullayev cərimə zərbəsindən gözəl qola imza atdı - 3:0
Matç başa çatdı