Rauf Əliyev: 0:4-dən sonra finala çıxmağımıza heç bir ümid yeri qalmadı
"İnter"in hücumçusu Rauf Əliyev Azərbaycan Kubokunun yarımfinal mərhələsi çərçivəsində "Qarabağ"a 0:4 hesablı məğlubiyyəti şərh edib. Azerisport.az saytına açıqlamasında o, bunları söyləyib:
"Bu nəticədən sonra finala çıxmağa heç bir ümid qalmadı. "Qarabağ" çempionat oyunu ilə müqayisədə bu dəfə tam fərqli oynadı. Onlar ələ düşən bütün qol şanslarından yararlandılar. Biz isə çoxlu səhvə yol verdik. Hesab 0:1 olarkən qol vurmaq şansımız var idi. Artıq iki oyunun cəminə görə "Qarabağ"ı üstələyəcəyimizi demək doğru olmaz. Bundan sonra diqqətimizi çempionatda yaxşı yer tutmağa yönəltməliyik. Bu oyunda Rəhim Həsənovun idarəçiliyini də qeyd etmək istərdim. Onun idarəçiliyi xoşuma gəlmədi. "Qarabağ" hesabda 2:0 öndə olarkən Rəhim elə bir qərar verdi ki, dəhşətə gəldim".
