Rəsmi Kubokun sponsor turu başladı
28 aprel 2016 17:20
Mayın 5-dən 21-dək keçiriləcək UEFA U-17 Avropa çempionatı Azərbaycan-2016-nın Rəsmi Kuboku sponsor turuna başlayıb. Azerisport.az xəbər verir ki, ali mükafat ilk olaraq bu gün AÇ-nin milli dəstəkçilərindən olan “Coca-Cola” şirkətinə təqdim edilib.
Şirkətin baş ofisində keçirilən təqdimat mərasimində UEFA U-17 Avropa çempionatı Azərbaycan-2016-nın Yerli Təşkilat Komitəsinin üzvləri və “Coca-Cola”nın əməkdaşları iştirak edib, kubok ilə şəkil çəkdirmək imkanı qazanıb. (AFFA)