Gurur Günal: Qarabağın qolunun sayılması çox şeyi dəyişə bilər
"Qarabağ"ın türkiyəli vəkili Gurur Gaye Günal azərisport.az saytına açıqlamasında UEFA-ya ünvanlanan şikayət məktubu barədə məlumat verib. Onun sözlərinə görə Avropa Futbol Qurumunun "Qarabağ"ın məsələsiylə bağlı məhkəmə tələbini qəbul etməsi müsbət haldır:
"Qarabağ" klubudan mənə məsələylə bağlı məlumat veriləndən sonra işə başladıq. Qısa zamanda "Qarabağ"-"İnter" oyunuyla bağlı araşdırma apardıq. Görüşün videoyazısı, mətbuatda olan məlumatları UEFA-ya göndərdik, Üstəlik məktubda iki məsələylə bağlı iddia qaldırdır. Birincisi qolun qaydalar çərçivəsində vurulması, ikincisi hakimin oyunu vaxtından əvvəl başa vurmasıyla bağlıdı. UEFA-nın mövcud qaydalara görə matçdan 48 saat sonra bizim müraciət etmək hüququmuz var".
Günalın sözlərinə görə UEFA-nın "Qarabağ"ın iddiasına fevralın 5-də baxacağı rəsmən təsdiqlənib. Həmin gün hansı qərarların qəbul ediləcəyini heç kim əvvəlcədən söyləyə bilməz: "UEFA-ya müraciətdən sonra məhkəmə tələbimiz yerinə yetirildi. Bu adi qəbul olunmamalıdı. Əgər məhkəmə tələbi qəbul olunubsa deməli məktub Avropa Futbol Qurumunu maraqlandırıb. Özünüz başa düşürsünüz ki, UEFA çox ciddi qurumdur. Hər bir məsələyə baxılmır. Onların Avroliqayla bağlı işləri çoxdur. Amma məhkəmə tələbimizin yerinə yetirilməsi düzgün yolda olduğumuzu göstərir".
Vəkilin sözlərinə görə şikayətin hansı formada təmin ediləcəyini indi söyləmək çox çətindir: "Sözsüz biz qolun hesaba alınmasını istəmişik. Digər tərəfdən matçın hakimi oyunu tez başa vurub. Azərbaycanda olan narahatlığı anlayıram. Biz çalışırıq ədalət yerini tutsun. UEFA bütün işləyə ciddi yanaşır. Bu işdə uğur qazanacağımıza ümidimiz var. Lakin fevralın 5-ni gözləməkdan başqa əlacımız yoxdur".
Bu gün Avropa Liqasında püşk atılıb. Artıq məlumdur ki, 116 final mərhələsində "Dnepr"in rəqibi Yunanıstanın "Olimpiakos" klubu olacaq. Bu halda UEFA "Qarabağ"ın pley-offda iştirakını bərpa edə bilərmi? Gurur Gunalın cavabı belə oldu: "Bildiyiniz kimi turnirdə növbəti matçlar fevralın 19-da olacaq. Məhkəmə isə fevralın 5-nə təyin edilib. Yəni arada iki həftə vaxt var. Sözsüz burada əsasnaməyə əsasən oyunun yenidən keçirilməsi müzakirə obyekti ola bilər. Sözsüz hakim səhvini etiraf edəcəyi halda onların hansı qərarı qəbul edəcəkləri məlum deyil. Qolun sayılması çox şeyə təsir edə bilər. Buna görə fevralın 5-ni gözləmək məsləhətdi".
