Mirhüseyn Seyidov: Neftçi ilə yollarımı ayırmaq istəyirdim
8 sentyabr 2013 19:21
21 yaşadək futbolçulardan ibarət Azərbaycan yığmasının kapitanı, “Neftçi”nin yarımmüdafiəçisi Mirhüseyn Seyidovun azerisport.az saytına müsahibəsi
- Gənclərdən ibarət yığmamızın İsraillə oyunundan nə gözləyək?
- Rəqibimiz heç də sıradan komanda deyil. İsrail futbolu son illərdə yüksəlişdədi. Komandamızın üzvləri bu görüşün vacibliyini və çətinliyini başa düşürlər. Amma biz ən azı heç-heçəyə nail olmalıyıq. Mümkün olsa, qələbə qazanmaq istəyirik.
- Rəqibimiz heç də sıradan komanda deyil. İsrail futbolu son illərdə yüksəlişdədi. Komandamızın üzvləri bu görüşün vacibliyini və çətinliyini başa düşürlər. Amma biz ən azı heç-heçəyə nail olmalıyıq. Mümkün olsa, qələbə qazanmaq istəyirik.
- İsrailin əsas yığması daha güclüdü, yoxsa gənclər millisi?
- Əsas komanda güclüdü. Mən artıq İsrail komandaları ilə qarşılaşmışam və onlara qarşı oynamağın necə çətin olduğunu bilirəm.
- Əsas komanda güclüdü. Mən artıq İsrail komandaları ilə qarşılaşmışam və onlara qarşı oynamağın necə çətin olduğunu bilirəm.
- Komandamızdakı son durum necədi?
- Uşaqlar bu oyuna yaxşı kökləniblər. İsrailə əsas yığmamızla birgə gəlməyimiz əlavə stimul oldu. Əsas millinin üzvləri, həmçinin məşqçiləri də oyunumuzu izləyəcəklər. Bu üzdən futbolçular özlərini göstərmək üçün daha səylə çalışacaqlar.
- Uşaqlar bu oyuna yaxşı kökləniblər. İsrailə əsas yığmamızla birgə gəlməyimiz əlavə stimul oldu. Əsas millinin üzvləri, həmçinin məşqçiləri də oyunumuzu izləyəcəklər. Bu üzdən futbolçular özlərini göstərmək üçün daha səylə çalışacaqlar.
- Startda Makedoniya ilə evdə qolsuz heç-heçəyə razılaşan millimiz İsraildən səfərdə xal biləcək gücdədi?
- Niyə də yox? Uduzmağa hazırlaşmırıq. U-19-da çıxış edərkən İsrail üzərində qələbə qazanmışam. Yəqin ki, həmin komandanın üzvləri indi də U-21-də çıxış edirlər.
- “Neftçi”nin milli çempionatda “Bakı”ya 3 cavabsız qolla uduzmasına nə səbəb oldu?
- Zəif oynadıq və layiqli məğlubiyyətlə üzləşdik. Üç ildi ardıcıl çempion oluruq. Bu üzdən rəqiblərimiz bizimlə oyunlara çox aqressiv çıxırlar. Çempionat hələ yeni başlayıb. Cəmi bir oyun uduzmuşuq, liderlər qrupundakı mövqeyimizi qoruyuruq. Qarşıdakı turlarda bu məğlubiyyətin əvəzini çıxmaq imkanımız var.
- Siz bu mövsüm də meydana çox az çıxırsız. Niyə?
- “Neftçi”nin ötən mövsümdən sabit heyəti var. Təsadüfi hallarda dəyişiklik edilir. Mən çox istərdim ki, daha çox oynamaq şansı qazanım. Amma bu, baş məşqçinin qərarıdı və ona qarşı çıxa bilmərəm. Bu mövsüm iki dəfə oynamışam. “Bakı” ilə oyundan sonra dedilər ki, artıq gənc futbolçulara üstünlük veriləcək.
- Klubunuzu dəyişmək haqda düşünmürsüz?
- Mən komandadan getmək istəyirdim. Mövsümlərarası fasilədə klub prezidentindən xahiş etdim ki, məni “Sumqayıt”a icarəyə versin. Çünki orda daha çox oynamaq şansı qazanacaqdım. Amma Sadıq Sadıqov getməməyi məsləhət gördü.
- Mən komandadan getmək istəyirdim. Mövsümlərarası fasilədə klub prezidentindən xahiş etdim ki, məni “Sumqayıt”a icarəyə versin. Çünki orda daha çox oynamaq şansı qazanacaqdım. Amma Sadıq Sadıqov getməməyi məsləhət gördü.