Qardaşlar rəsmən İnterdə!
3 sentyabr 2013 15:18
“İnter” növbəti transferlərini həyata keçirib. Azerisport.az klub saytına istinadən xəbər verir ki, paytaxt təmsilçisi Paraqvay və İtaliya vətəndaşlıqları olan Sezar və David Meza Kolli qardaşlarıyla münasibətlərini rəsmiləşdirib.
Qeyd etmək yerinə düşər ki, Sezar hücum, David isə yarımmüdafiəçi mövqeyində oynayır. Hər iki futbolçunun son klubu İtaliyanın “Cesena” olub.
Əlavə edək ki, qardaşlarla imzalanmış müqavilənin müddəti 1 il təşkil edir. Yeni futbolçuların adları tezliklə PFL-in iştirak ərizəsinə əlavə olunacaq.