İnter daha dörd legioneri ilə vidalaşdı
20 may 2013 17:32
Cari mövsümün bürünc mükafatçısı "İnter" rəhbərliyi əsas komandanın heyətində dəyişikliklər etməyə başlayıb. Azerisport.az xəbər verir ki, ölkəmizi Avropa Liqasında təmsil edəcək paytaxt klubunun rəhbərliyi artıq dörd futbolçu ilə yollarını ayırıb.
Maraqlıdı ki, onların dördü də baş məşqçi Kaxaber Sxadadzenin həmyerliləridi. Belə ki, “bankirlər” Revaz Tevdoradze, Valeri Abramidze, Georgi Adamiya və İliya Kandelaki ilə yollarını ayırıb.
Xatırladaq ki, bundan öncə Vladimir Levin, Petar Zlatinov və Tales Şüts də komandanın heyətini tərk etmişdilər.
Əlavə edək ki, yaxın günlərdə komandanın heyətinə yeni futbolçuların cəld ediləcəyi gözlənilir.