19 may 2012 01:03
“Bakını təbrik edirəm, Sadıq Sadıqovun qarşısında isə üzr istəyirəm”
“Neftçi”nin yarımmüdafiəçisi Slavço Georgiyevski azerisport.az saytına müsahibəsində mövsümün yekunlarından danışıb, eləcə də kubokun finalında “Bakı”ya məğlubiyyəti şərh edib.
- Nəzərə alsaq ki, az öncə Premyer Liqada çempionluğunuzu bayram edib, Çempionlar Liqasına vəsiqə qazanmışdız, kubokun finalında “Bakı”ya məğlubiyyətiniz (0:2) nə dərəcədə üzücü oldu?
- Əlbəttə, məyus olduq. Məğlubiyyətdən necə razı qalmaq olar ki? Finalda bizim bəxtimiz gətirmədi. Nəticədə də hər şey uğursuz alındı. Lakin düşünürəm ki, çox üzülməyə də dəyməz.
- Əlbəttə, məyus olduq. Məğlubiyyətdən necə razı qalmaq olar ki? Finalda bizim bəxtimiz gətirmədi. Nəticədə də hər şey uğursuz alındı. Lakin düşünürəm ki, çox üzülməyə də dəyməz.
- Maraqlıdı ki, komandanız çempion olduqdan sonra keçirdiyi hər üç oyunda məğlbu oldu. Bu, sizi qorxutmur?
- Xeyr. Çünki çempionluğu vaxtından öncə təmin etdiyimizdən son oyunlarımız o qədər də vacib əhəmiyyət daşımırdı. Bu üzdən hətta meydana gənclərdən ibarət heyət buraxılırdı. Sonuncu final oyununda isə dediyim kimi, bəxtimiz gətirmədi.
- Xeyr. Çünki çempionluğu vaxtından öncə təmin etdiyimizdən son oyunlarımız o qədər də vacib əhəmiyyət daşımırdı. Bu üzdən hətta meydana gənclərdən ibarət heyət buraxılırdı. Sonuncu final oyununda isə dediyim kimi, bəxtimiz gətirmədi.
- Sizcə, komandada nə alınmadı?
- Konkret nəyin qaydasında olmadığını deyə bilmərəm. Sadəcə, rəqib bizdən fərqli olaraq ələ düşən şanslarından maksimum yararlandı.
- Konkret nəyin qaydasında olmadığını deyə bilmərəm. Sadəcə, rəqib bizdən fərqli olaraq ələ düşən şanslarından maksimum yararlandı.
- Demək olar ki, erkən qol “Neftçi”ni sındırdı?
- Birinci qol heç nədən alındı. İkinci qol çox gözəl alınsa da, təəssüf ki, yenə bizim qapımıza vuruldu. Bizim qol vurmaq cəhdlərimiz isə hamısı faydasız qaldı. “Bakı”nı bu qələbə münasibətilə təbrik edirəm. Uğursuzluğa görə isə “Neftçi”nin prezidenti qarşısında üzr istəyirəm. O, bizi həmişə müdafiə edir. Biz bunun əvəzini qələbə ilə çıxmaq istəyirdik. Təəssüf ki, alınmadı.
- Birinci qol heç nədən alındı. İkinci qol çox gözəl alınsa da, təəssüf ki, yenə bizim qapımıza vuruldu. Bizim qol vurmaq cəhdlərimiz isə hamısı faydasız qaldı. “Bakı”nı bu qələbə münasibətilə təbrik edirəm. Uğursuzluğa görə isə “Neftçi”nin prezidenti qarşısında üzr istəyirəm. O, bizi həmişə müdafiə edir. Biz bunun əvəzini qələbə ilə çıxmaq istəyirdik. Təəssüf ki, alınmadı.
- Yeri gəlmişkən, finaldan sonra sizin “Neftçi”dən kənarlaşdırıldığınıza dair xəbərlər yayılmaqdadı. Bu, doğrudu?
- Xeyr. Belə bir şey yoxdu. Məni komandadan uzaqlaşdırmayıblar. “Bakı” ilə oyunda əvəzləndikdən sonra matçı tribunadan izlədim. Komandadan göndərilməyim barədə xəbərlər həqiqəti əks etdirmir.
- Deməli, sizi fasilədə əvəzləyən Böyükağa Hacıyevlə aranızda heç bir problem yoxdu?
- Heç bir problem yoxdu. Futbolda oyunçunun əvəzlənməsi adi şeydi. Burda təəccüblü heç nə yoxdu. Fasilədən sonra da oyunu tribunadan izləmişəm. Başqa heç nə.
- Sizcə, bu məğlubiyyət komandanın Çempionlar Liqasına hazırlığına təsirini göstərəcək?
- Düşünmürəm. Kubokda uduzsaq da, çempionatın qızıl medallarına sahib çıxdıq. Finaldan sonra komanda istirahətə buraxıldı. İstirahətdən sonra ÇL-in hazırlıqlarına başlayacağıq. Bunu mümkün qədər yaxşı şəkildə həyata keçirməyə çalışacağıq ki, avrokuboklarda uğurla çıxış edək.
- Düşünmürəm. Kubokda uduzsaq da, çempionatın qızıl medallarına sahib çıxdıq. Finaldan sonra komanda istirahətə buraxıldı. İstirahətdən sonra ÇL-in hazırlıqlarına başlayacağıq. Bunu mümkün qədər yaxşı şəkildə həyata keçirməyə çalışacağıq ki, avrokuboklarda uğurla çıxış edək.
