Paytaxt klubunun baş məşqçi istefa verdi
23 fevral 2012 00:27
Futbol üzrə İtaliya A Seriyasında növbəti baş məşqçi istefası gerçəkləşib. Azerisport.az xəbər verir ki, “Lazio”nun baş məşqçisi Eddi Reya postundan istefa verib.
Onun istefasına səbəb kimi klubun prezidenti Klaudi Lotito, eləcə də icraçı direktor İqli Tare arasındakı fikir ayrılığı göstərilir. Baxmayaraq ki, onun rəhbərliyi altında komandası İtaliya çempionatının cari mövsümündə iddialılar arasında qərarlaşmışdı. Lakin qış transfer pəncərəsində rəhbərliyin düzgün transfer siyasəti aparmamasından şikayətlənən mütəxəssis istefa vermək qərarına gəlib.
Bu istefaya həm də bir neçə gün öncə səfərdə “Palermo”ya 1:5 hesablı darmadağın səbəb olub. Hansı ki, məhz həmin yenilgidən sonra Reyaya ünvanlanan tənqidlər daha da artmışdı. Bu azmış kimi, paytaxt təmsilçisi Avropa Liqasının 1/16 final mərhələsinin “Atletico” (İspaniya) ilə ev oyununda da 1:3 hesablı yenilgiylə üzləşmişdi.
Hələlik, Eddi Reyanı kimin əvəzləyəcəyi bilinmir. Gələn son xəbərlərdə rəhbərliyin bu istefanı qəbul etmədiyi də bildirilir.
Baxılıb: 221
