28 yanvar 2012 20:55
İnter Ukrayna klubu ilə sülh bağladı (YENİLƏNİB)
Türkiyədə təlim-məşq toplanışında olan "İnter" bu gün qardaş ölkədə növbəti sınaq matçına çıxıb. Azerisport.az xəbər verir ki, Kaxaber Tsxadadzenin yetirmələri bu dəfə Ukraynanın “Volın” klubu ilə üz-üzə gəliblər.
Qeyd edək ki, bu komandanı Anatoli Demyanenko çalışdırır. Hansı ki, bu mütəxəssis vaxtilə “Neftçi”nin sükanı arxasında çalışıb və “bankirlər”lə oyun onun üçün ilk deyildi.
Tərəflər çox çalışsalar da, 90 dəqiqə ərzində qol vura bilməyiblər. Nəticədə, qarşılaşma heç-heçə başa çatıb.
Sonda onu da xatırladaq ki, paytaxt klubu Türkiyədəki ilk oyununda Almaniyanın ikinci Bundesliqa təmsilçisi "Karlsrue" komandasıyla qarşılaşmışdı - 1:3. Albaniyanın “Skenderbeu” klubu ilə görüş sülhlə başa çatmışdı – 0:0. Türkiyənin aşağı divizion təmsilçisi “Konya Şekerspor” ilə matçda isə 3:2 hesablı qələbə qeydə alınmışdı.
Yoxlama oyunu
28 yanvar
İnter - Volın - 0:0
"İnter"in start heyəti: Georgi Lomaya, Valeri Abramidze, Danildo Assioli, Vladimir Levin, Arif Daşdəmirov, İlia Kandelaki, Branislav Çervenka, Tarasov, Samir Zərgərov, Asif Məmmədov, Girt Karlson.
Matç başladı
Hələlik bərabər səviyyəli oyun gedir
Kandelaki hesabı açmaq üçün yaxşı şansı əldən verir
Görüş çox sakit tempdə keçir
Mübarizə əsasən meydanın mərkəzindədi
Hissənin sonlarında "İnter" fəallığı artırıb
Zərgərovun uzaqdan zərbəsi qeyri-dəqiqdi
Birinci hissə başa çatdı
İkinci hissə başladı
Daşdəmirov inanılmaz epizodu qaçırır
Ukraynalıların təhlükəli hücumu zamanı "İnter"i qapı dirəyi qoldan xilas edir
"Volın" artıq oyuna nəzarəti tam ələ alıb
Yeri gəlmişkən qeyd edək ki, bu oyunu "Qarabağ"ın baş məşqçisi Qurban Qurbanov və müdafiəçi Rəşad Sadıqov da izləyir
Matç başa çatdı
