Kəpəz qazaxlardan Qəbələnin qisasını 4 qolla aldı (YENİLƏNİB)
26 yanvar 2012 19:50
Türkiyənin Antalya şəhərində təlim-məşq toplanışında olan "Kəpəz" bu gün qardaş ölkədə ilk yoxlama oyununa çıxıb. Azerisport.az xəbər verir ki, Gəncə klubu Qazaxıstan təmsilçisi ilə qarşılaşıb.
Belə ki, komandamızın rəqibi "Atırau" klubu olub. Hansı ki, bu komanda bir neçə gün öncə “Qəbələ”yə qalib gəlmişdi – 2:1. Lakin gəncəlilər "Qəbələ"nin qisasını lazımınca alıblar. "Kəpəz"in 4 qoluna qazaxlar sadəcə 1 topla cavab verə biliblər.
"Kəpəz"in baş məşqçisi Fuad İsmayılov iki günlük məşq prosesinin ardından komandasını və baxışa dəvət olunan oyunçuları bu oyunda sınaqdan çıxarıb. Gəncəlilər bundan sonra daha iki yoxlama oyunu keçirməyi planlaşdırırlar.
Yoxlama oyunu
26 yanvar
Kəpəz – Atırau - 4:1 (2:0)
Qollar: Fomenko, 28 (1:0), Sultanov, 42 (2:0), Fomenko, 67 (3:0), Paşayev, 78 (4:0), Danilyuk, 85 (4:1).
Matç başladı
Yuri Fomenko hesabı açır - 1:0
Ceyhun Sultanov komandasının ikinci qoluna imza atır - 2:0
Birinci hissə başa çatdı
İkinci hissə başladı
Sultanovun cərimə zərbəsinə hamıdan daha tez çatan Fomenko təkrar zərbə ilə dublunu rəsmiləşdirir - 3:0
Pərvin Paşayev Sabir Allahquliyevin ötürməsini qolla tamamlayır - 4:0
Danilyuk qazaxların təsəlli qoluna imza atır - 4:1
Matç başa çatdı
Baxılıb: 591
