Neftçi Bolqarıstan klubu ilə dueldən sülhlə ayrıldı (YENİLƏNİB)
24 yanvar 2012 18:54
Antalyada təlim-məşq toplanışında olan "Neftçi" hazırlıq prosesinin ilk mərhələsində bu gün üçüncü yoxlama oyununu keçirib. Azerisport.az xəbər verir ki, son Azərbaycan çempionunun bu dəfəki rəqibi Bolqarıstanın “Beroe” komandasıydı.
Görüşdə hesabı bolqarlar açıblar. Amma fasilədən sonra "Neftçi" cavab qoluna imza ata bilib. Beləcə, görüş heç-heçə başa çatıb.
Qeyd edək ki, “Neftçi” Türkiyədəki ilk oyununu Almaniyanın "Dinamo" (Drezden) klubuna qarşı keçirmişdi. Həmin oyunda rəqib daha güclü olmuşdu – 0:1. Qazaxıstanın "Aktobe" klubuyla görüşdə isə heç-heçə qeydə alınmışdı – 1:1.
Yoxlama oyunu
24 yanvar
Neftçi – Beroe - 1:1 (0:1)
Qollar: Abdullayev, 70 - Angelov, 23.
"Neftçi"nin start heyəti: Saşa Stamenkoviç, İqor Mitreski, Denis Silva, Rail Məlikov, Slavço Georgiyevski, Flavinyo, Mirhüseyn Seyidov, Cavid İmamverdiyev, Rəşad Abdullayev, Bahodir Nasimov, Krisiç.
Baxılıb: 707
