U-17 Avropa çempionatlarının yeni rekordu
6 may 2016 00:35
UEFA U-17 Avropa çempionatı Azərbaycan-2016 turnirinin birinci oyun günündə keçirilmiş Azərbaycan - Portuqaliya qarşılaşmasında U-17 Avropa çempionatları tarixinin yeni rekordu qeydə alınıb. Azerisport.az xəbər verir ki, Bakı Olimpiya Stadionunda keçirilmiş oyunu 33 min azarkeş izləyib.
Qeyd edək ki, indiyə qədər turnirdə ən çox azarkeş 2009-cu ildə Maqdeburq şəhərində Almaniya və Hollandiya yığma komandaları arasında keçirilmiş final oyununda qeydə alınmışdı – 24 min nəfər. (AFFA)