Esteban Qutyeres: Tezliklə Bakıdakı pərəstişkarlarımla görüşmək istəyirəm
"Haas F1" komandasının pilotu Esteban Qutyeres müsahibəsində Bakı treki, gözlədiyi film və digər maraqlı mövzular haqqında danışıb. Azerisport.az sizi həmin müsahibə ilə tanış edir:
- Bakı Şəhər Halqasının sxemi haqqında nə deyə bilərsiniz?
- Mən treki sınaqdan keçirdim, o, olduqca heyrətamizdir və onun çətinliklərlə dolu möhtəşəm bir trek olacağına inanıram.
- Bakı, Azərbaycan haqqında nə bilirsiniz?
- Düzünü desəm, yarışlar elan edilməzdən öncə heç nə bilmirdim. Amma indi orada yarışacağımıza görə, ora səfər etməkdə maraqlıyam və həqiqətən, bunu səbirsizliklə gözləyirəm.
- Start götürmüş mövsüm barədə nə deyə bilərsiniz?
- Mənim üçün asan bir başlanğıc olmadı, amma tədricən, yarışdan yarışa hər şey yaxşılaşır. Məhz bu irəliləyiş də məni qalan yarışlar ərzində mövsümü yaxşı başa vurmağa həvəsləndirir.
- Yeni ölkəyə/trekə gəldikdə ilk nə edirsiniz?
- Bəzi yerli yeməkləri dadıram.
- Sizin yarış karyeranızda ən əyləncəli vaxt nə zaman olub?
- Bu il mən yeni komandamla çox gözəl vaxt keçirib əylənmişəm. Gələcəyin bizə nələr hazırladığını səbirsizliklə gözləyirəm.
- Siz bir Formula 1 maşını, bir komanda yoldaşı və bir Formula 1 dövrü seçsəydiniz, hansılar olardı?
- Dövr 90-cı illər, komanda yoldaşı Ayrton Senna və F1 maşını isə Ferrari 2008 olardı.
- Həyat tərzinizlə bağlı bir neçə sual: dünyada yarışlar olmasaydı, siz nə ilə məşğul olardınız?
- Daşınmaz əmlak biznesi ilə. Mən tikinti və şəhərlərin müasirləşdirilməsi üçün inkişaf layihələrini xoşlayıram. Lakin mən yenə də yarışmaq istəyərdim. Yarış mənim həyatımdır
- Bu il hansı kitabı oxumusunuz?
- Mən az kitab oxuyuram, ən çox sevdiyim isə Endryu Karneginin "Müdriklik" əsəridir.
- Top-3-də olan son musiqi albomlarından hansının adını deyə bilərsiniz?
- Mənim ən çox sevdiyim "Coldplay"in son albomudur.
- Hansı filmi daha çox gözləyirsiniz?
- Enzo Ferrarinin həyatı filmini.
- Lütfən aşağıdakı şəxsləri/əşyaları üç sözlə ifadə edin:
1. Romain Grosjean - təcrübəli, ideal kişi, Fransız.
2. Berni Ekklstoun - boss, ağıllı, ambisiyalı.
3. Daniil Kvyat yaxşı oğlan, sadiq, diqqətcil
4. Fernando Alonso - əsl pilot, ağıllı, aqqressiv
5. Formula 1 - əyləncəli, cəlbedici, həyəcanlandırıcı.
6. 2016 Formula 1 Avropa Qran Prisi - maraqlı, çətin, yeni.
- Azərbaycandakı pərəstişkarlarınıza nə deyərdiniz?
- Tezliklə onlarla görüşmək istəyirəm!
