Azərbaycan yığması DÇ-nin finalına çıxdı
13 dekabr 2016 15:00
Taekvondo üzrə Azərbaycanın Kişilərdən ibarət yığma komandası Bakıda keçirilən Komandalararası Dünya Çempionatının finalına yüksəlib. Azerisport.az xəbər verir ki, milli komandamız yarımfinalda Türkiyəyə 33:3 hesabı ilə qalib gəlib.
Azərbaycanın həlledici döyüşdə rəqibi Belçikaya qalib gələn (43:13) Koreya Respublikası olacaq.
Qadınların yarışında finalda Çin və Koreya Respublikası qarşılaşacaq. Belə ki, yarımfinalda Çin Türkiyə üzərində 9:6 hesablı qələbə qazanıb. Taekvondonun vətəni – Koreya Respublikası Rusiya yığmasından üstün olub (17:10).
