Elmir Cəbrayılov finala yüksəldi
14 sentyabr 2016 22:30
Rio-de-Janeyroda təşkil olunan XV Yay Paralimpiya Oyunları davam edir.
Azerisport.az xəbər verir ki, bu gün Azərbaycan atleti Elmir Cəbrayılov da növbəti sınağına çıxıb.
O, 100 metr məsafəyə qaçış yarışlarının təsnifat mərhələsində 11,27 saniyə göstərici ilə üçüncü olub və finala yüksəlib. O, 10 idmançı arasında üçüncü olub.
Qeyd edək ki, bu yarışın final mərhələsi sentyabrın 15-də keçiriləcək.
