Qasımov qızıl, Səfərov bürünc medal qazandı
Rioda təşkil olunan Yay Paralimpiya Oyunları davam edir.
Azerisport.az xəbər verir ki, bu gün cüdo yarışlarında daha üç idmançımız mübarizəyə qoşulub.
57 kq. Səbinə Abdullayeva startda qarşılaşdığı Yunko Xirose (Yaponiya) ilə görüşdə məğlub olub. O, təsəlliverici görüşdə Li Jinq Vanqla da (Çin) bacarmayıb və mübarizəni dayandırmalı olub.
73 kq. Ramil Qasımov ilk görüşündə Xerardo Rodriqesə (Kuba) qalib gəlib. Yarımfinaldakı Nikolay Konrhassı (Almaniya) da məğlub edən idmançımız finala yüksəlib. Həlledici görüşdəki rəqib isə Dmitri Solovyov (Ukrayna) olub. Bu görüşdə də inamlı qələbəyə sevinən cüdoçumuz Rioda Azərbaycana ilk qızıl medalı qazandırıb.
81 kq. Rövşən Səfərov ilk görüşündə Aleksandr Kozlova (Belarus) ipponla qalib gəlib. 1/4 finalda isə Aleksandr Kosinova (Ukrayna) ipponla uduzub. Buna baxmayaraq, Səfərov təsəlliverici görüşdə qüvvəsini sınayıb. Xose Effrondan (Argentina) üstün olan idmançımız britaniyalı Conatan Dreynlə bürünc medal uğrunda görüşdə də qalib gələrək Rioda Azərbaycana ilk bürünc medalı qazandırıb.
