Yeniyetmələr arasında cüdo üzrə Azərbaycan birinciliyinə start verilib
9 dekabr 2016 13:30
Bu gün Bakı İdman Sarayında yeniyetmələr arasında cüdo üzrə Azərbaycan birinciliyinə start verilib. Azerisport.az xəbər verir ki, Azərbaycan Cüdo Federasiyasının təşkilatçılğı ilə keçirilən yarışda 69 klubdan 500-dən çox cüdoçu mübarizə aparır.
Çempionatın ən güclüləri cüdo üzrə yeniyetmələrdən ibarət milli komandanın heyətinə cəlb ediləcəklər.
Qeyd edək ki, yeniyetmələrdən ibarət Azərbaycan milli komandası 2017-ci ildə Çilidə keçiriləcək dünya çempionatı, Litvada Avropa birinciliyi və Macarıstanda baş tutacaq yeniyetmələrin olimpiya festivalında iştirak edəcək.
