Yığmamızın üzvü Gürcüstan çempionu oldu
27 may 2016 17:20
Ötən gün basketbol üzrə Gürcüstan çempionatının final mərhələsinə yekun vurulub. Azerisport.az xəbər verir ki, gərgin mübarizədə keçmiş pley-off seriyasının həlledici oyununda “Kutaisi” komandası Tiflis “Dinamo”sunu 76:71 hesabı ilə məğlub edərək, ilk dəfə Gürcüstan çempionu titulunu qazanıb.
Sevindirici haldır ki, “Kutaisi” komandasının tərkibində yığmamızın üzvü Zaur Paşayev qazanılan uğura öz layiqli töhvəsini verib. Belə ki, xala-xal gedən son qarşılaşmada Zaur Paşayev məhsuldar oyun nümayış etdirərək 18 xal toplayıb. Qeyd etmək lazımdır ki, yığmamızın digər üzvü Davit Barbakadze də Gürcüstan çempionu adına layiq görülüb.
