Pərviz Bağırov finalda!
26 iyun 2015 14:30
Bu gün Avropa Oyunları çərçivəsində boks üzrə növbəti görüşlər keçirilir. Azerisport.az xəbər verir ki, Azərbaycan boks yığmasının üzvü Pərviz Bağırov da növbəti görüşünə çıxıb.
O, yarımfinal mərhələsi çərçivəsində böyük britaniyalı Coş Kelli ilə qarşılaşıb. 69 kq çəki dərəcəsində üz-üzə gələn boksçuların yarışı Azərbaycan təmsilçisinin qələbəsi ilə başa çatıb - 3:0.
Nəticədə, Bağırov finala yüksəlib. Azərbaycan təmsilçisi həlledici görüşdə rusiyalı Aleksandr Besputinlə qarşılaşacaq. Həmin görüş sabah keçiriləcək.
