Albert Səlimov finalda!
26 iyun 2015 13:45
Bu gün Avropa Oyunları çərçivəsində boks üzrə növbəti görüşlər keçirilir. Azerisport.az xəbər verir ki, Azərbaycan boks yığmasının üzvü Albert Səlimov da növbəti görüşünə çıxıb.
O, yarımfinal mərhələsi çərçivəsində irlandiyalı Şon Makombla qarşılaşıb. 60 kq çəki dərəcəsində üz-üzə gələn boksçuların yarışı Azərbaycan təmsilçisinin qələbəsi ilə başa çatıb - 3:0.
Nəticədə, Səlimov finala yüksəlib. Azərbaycan təmsilçisi həlledici görüşdə fransalı Sofiane Oumiha ilə qarşılaşacaq. Həmin görüş sabah keçiriləcək.
