Qadın güləşçilərimiz üçün daha dörd medal şansı
Kiyevdə Ukraynanın görkəmli güləşçi və məşqçilərinin xatirəsinə həsr olunmuş sərbəst, yunan-Roma və qadın güləşi üzrə XX beynəlxalq turnir keçirilir. Azerisport.az xəbər verir ki, turnirdə qadın güləşi üzrə yığma komandamızın üzvləri də iştirak edir.
Baş məşqçi Semyon Çterev və böyük məşqçi Nazim Əlicanovun rəhbərliyi altında turnirdə Mariya Stadnik (48 kq), Leyla Qurbanova (53 kq), Anjela Doroqan, Almaz İsmayılova (hər ikisi 55 kq), Nataliya Sinişin, Yuliya Ratkeviç (hər ikisi 58 kq), Tatyana Omelçenko (60 kq), İrina Netreba (63 kq) və Gözəl Zutova (69 kq) sınaqdan keçirilir.
Proqrama əsasən, bu gün 53, 58, 63 və 75 kq çəki dərəcələrində qadın güləşçilər yarışır.
İdmançılarımızın ilk rəqiblərini təqdim edirik:
53 kq
1/8 final - Leyla Qurbanova - Olena Kremzer (UKR)
58 kq
1/4 final - Nataliya Sinişin - Mariya İlçuşun (UKR)
1/4 final - Mariana Cerdevara Esanu (MDA) - Yuliya Ratkeviç
63 kq
1/4 final - Yuliya Tkaç (UKR) - İrina Netreba