Olimpiyadaya gedən idmançı 11 aydı maaş almır
Çexiyada keçirilən lisenziya turnirində qalib gələrək Olimpiadaya vəsiqə qazanan Səbinə Mikina məşqləri Bakıda davam etdirir. Azerisport.az xəbər verir ki, qılıncoynadanımız mayın ortalarında Çində keçiriləcək Dünya Kubokunun mərhələ yarışında qüvvəsini sınayacaq.
İyunun əvvəllərində isə Rusiyada analoji yarış keçiriləcək. Bu iki turnir reytinqdə yüksəlmək üçün çox önəmlidir. Hazırda dünyada sablyaçılar arasında 21-ci pillədə qərarlaşan Mikina reytinqdə yüksələ bilsə, Olimpiya Oyunlarında ilk mərhələdə daha asan rəqiblə qarşılaşacaq. 29 yaşlı idmançı Olimpiada ərəfəsində ya Almaniya, ya da ABŞ-da təlim-məşq toplanışı da keçəcək.
Ancaq Səbinə çox çətin şərtlər altında hazırlıq keçir. Qılıncoynatma Federasiyasının idman zalı tələblərə cavab vermir. Üstəlik, yığmamızın üzvləri ciddi maliyyə problemləri ilə üzləşib. Mikina və komanda yoldaşları 11 aydı ki, maaş almır.
