Dino Ndlovu: Bu səhvləri gələcəkdə təkrarlamamalıyıq
“Qarabağ”ın hücumçusu Dino Ndlovu Avropa Liqasının qrup mərhələsinin son turu çərçivəsində “Fiorentina”ya məğlubiyyətdən sonra jurnalistlərin suallarını cavablandırıb. Azerisport.az xəbər verir ki, o, öncə bunları söyləyib:
- Son tura qədər şansımızı qoruduq. Əlimizdən gələni etdik, lakin səhvlərimiz də oldu. Bu səhvlərdən dərs almış oluruq. Düşünürəm ki, növbəti mövsüm daha yaxşı nəticə göstərə bilərik.
- Dirəyi nişan aldığınız epizoddan sonra bir müddət yerdə qaldınız. Həmin an nə düşünürdünüz?
- Həmin zərbəni vurandan sonra düşünürdüm ki, top qapıya gedəcək. Amma şansızlıq oldu. Ancaq ümumi götürsək, komandamızın oyunlarından, əldə etdiyimiz nəticədən qürur duyuram.
- Qol epizodunun başlanğıcında yıxılıb “Fiorentina”nı azlıqda qoymaq olmazdı? Çünki rəqib futbolçu sizi tutub saxlamağa çalışırdı.
- Məni tutduğunu heç hiss etmədim.
- İkinci yarıda əvəzlənməyiniz sizin üçün gözlənilməz olmadı ki?
- Hər şey normal olsaydı, davam edə bilərdim. Lakin son 15 dəqiqədə belimdə ağırlar vardı. Özümü nə qədər məcbur etsəm də, qaça bilmirdim, alınmırdı.
- Arıq üçüncü mövsümdür "Qarabağ" qrupda qalır. Bu dəfə qrupdan çıxmağa nə mane oldu?
- Onların təcrübəsi bizdən çox idi. Lakin yenə deyirəm, hazırkı mövqeyimizdən qürur duyuram.
- Hər iki oyunda qalib gəldiyiniz PAOK-un mərhələ adlaması üzücü olmadı?
- Digər komandalar haqda danışmaq istəmirəm. Ancaq "Qarabağ"ın oyununu şərh edə bilərəm. Buraxdığımız səhvləri gələcəkdə təkrarlamamalıyıq.
