Roman Qriqorçuk: Hesab oyuna görədir, SE güclü idi
21 oktyabr 2016 01:30
"Qəbələ"nin baş məşqçisi Roman Qriqorçuk Avropa Liqasının qrup mərhələsi çərçivəsində Fransanın "Sent-Etyen" klubuna qarşı keçirdikləri oyundan sonra fikirlərini bölüşüb. Azerisport.az xəbər verir ki, ukraynalı mütəxəssis 0:1 hesablı məğlubiyyəti belə şərh edib:
"Rəqib layiqli qələbə qazandı. Onlar bizdən güclü idilər. "Sent-Etyen"in daha bir neçə qol imkanı oldu. Ona görə də hesabın oyuna görə olduğunu düşünürəm. Əlbəttə, biz bu nəticəyə görə sevinə bilmərik. Amma çox kədərlənməyimiz üçün də bir əsas yoxdr. Çünki çox güclü rəqibə uduzmuşuq. Avroliqada belə rəqiblərə qarşı oynamaqla biz təcrübə qazanırıq. Nələrisə öyrənə biliriksə, bu, komandamız üçün çox vacibdir. Bu komandanın daha da güclü və yaxşı olacağına inanıram".
