Yunus Mallı: Qəbələni yox, öz oyunumuzu düşünməliyik
Almaniyanın "Maynts" klubunun yarımmüdafiəçisi Yunus Mallı Avropa Liqasının qrup mərhələsi çərçivəsində "Qəbələ"yə qarşı keçirəcəkləri oyun öncəsi fikirlərini bölüşüb. Azerisport.az xəbər verir ki, o, bunları söyləyib:
"Burada olduğumuz üçün şadıq. Bizim üçün bu, yeni təcrübədir. Rəqib çempionatda çox yaxşı çıxış edir. Amma Avropa Liqası tamamilə fərqli səviyyədir. Mümkündür ki, biz topa daha çox nəzarət edək. Eyni zamanda burada üç xala sahib çıxmağa çalışacağıq. Amma alınmasa, dünyanın sonu olmayacaq. Çünki qarşıda daha dörd oyunumuz qalacaq. Lakin qələbə qazansaq, çox yaxşı olardı. Bu, turnir cədvəlindəki vəziyyətimizi yaxşılaşdırmağa imkan verər. "Qəbələ" barədə lazım olan məlumatları toplamışıq. Ancaq ilk növbədə öz oyunumuz barədə düşünməliyik".