Qarabağ Azərbaycanın xal ehtiyatını yaxşılaşdırdı
26 avqust 2016 00:45
"Qarabağ"ın Avropa Liqasının pley-off mərhələsində İsveç "Qöteborq"una qarşı keçirdiyi cavab oyununda 3:0 hesablı qələbəsi Azərbaycanın UEFA reytinqindəki xal ehtiyatını zənginləşdirib. Azerisport.az xəbər verir ki, Ağdam klubunun qələbəsi ölkəmizə əlavə 0,250 xal qazandırıb.
Təəssüf ki, "Qəbələ"nin Sloveniya "Maribor"u ilə cavab oyunundakı nəticəsi reytinqə heç bir töhfə verməyib. Amma 0:1 hesablı məğlubiyyətə baxmayaraq, komandamız ilk oyundakı 3:1 hesablı qələbə sayəsində "Qarabağ"la birgə Avroliqanın qrup mərhələsində oynamaq şansı qazanıb.
Hazırda Azərbaycanın son 5 ilin göstəricilərinə əssən 16,500 xalı var. Ölkəmiz bu göstərici ilə reytinq cədvəlində 25-ci pillədə qərarlaşıb.