Frederik Antonetti: Qəbələ ilə oyunun favoriti deyilik
Fransanın "Lill" klubunun baş məşqçisi Frederik Antonetti Avropa Liqasının üçüncü təsnifat mərhələsi çərçivəsində "Qəbələ"yə qarşı keçirəcəkləri ilk oyun öncəsi fikirlərini bölüşüb. Azerispot.az sizi onun bu gün baş tutan mətbuat konfransındakı açıqlamaları ilə tanış edir:
- Start heyətini müəyyənləşdirmisiz?
- Bəzi futbolçularımız zədəlidir. Onlar oyunu buraxacaqlar. Amma bütövlükdə ciddi itkimiz yoxdur.
- "Qəbələ" barədə nə deyə bilərsiniz?
- Rəqibin son oyununu izləmişəm. Çox yaxşı təşkilatlanmış komandadır. Güclü oyunçuları oyunçuları var. Aqressiv oyun sərgiləyirlər. Kapitanları çox yaxşı oynayır. Sabah bizə asan olmayacaq.
- Razısınız ki, "Lill" cütün favoritidir?
- "Lill" favoritdir? Mən favorit görmürəm. Çətin oyun olacaq. Mən "Lill"i cütün favoriti saymıram.
- Bəs siz "Qəbələ" ilə duelə hazırsınız?
- Xeyr. Bizim komandaya gec qoşulan futbolçularımız oldu. Zədəlilərimiz var. Sabah bizim üçün vacib gündür. Hazırda 70 faiz hazır olduğumuzu söyləyə bilərəm. Daha bir həftə vaxtımız olsaydı, onda vəziyyət daha yaxşı ola bilərdi.
- Gərgin qrafik olduğunu nəzərə alsaq, Avroliqaya necə hazırlaşırsınız?
- Problemlər var. AÇ gec yekunlaşdı. Buna görə biz də tam hazırlaşa bilmədik. Vaxtımız az idi.
- "Qəbələ"ni Fransa çempionatında çıxış edən klublarla müqayisə edə bilərsiniz?
- Rəqibin səviyyəsi barədə danışmaq çətindir. Çünki onları o qədər də yaxşı tanımıram. Cəmi dörd oyununu izləmişəm. Heyətində güclü futbolçuların olduğunu bilirəm. Bir də yaxşı oyun ritmi var.
- Sabahkı oyunda sürpriz ola bilər?
- Bunu deyə bilmərəm. Bircə onu bilirəm ki, çətin oyun olacaq.
- Avroliqa "Lill" üçün nə dərəcədə önəmlidir?
- Avroliqa bizim üçün vacibdir. Biz bu turnirə vəsiqə qazanmaq üçün çox çalışmışıq. İndi də ölkəmizi layiqli təmsil etmək istəyirik.
