Qəbələ MTK-ya Bakıda da qalib gəlib, mərhələ adladı
Bu gün Avropa Liqasının ikinci təsnifat mərhələsinin cavab oyunları keçirilib. Azerisport.az xəbər verir ki, bu turnirdəki təmsilçimiz “Qəbələ” də Macarıstan MTK-sı ilə qarşılaşıb.
Səfərdə bu rəqibinə 2:1 hesabıyla qalib gələn Roman Qriqorçukun çalışdırdığı komandamız mərhələ adlamağa çox yaxın idi. Qəbələlilərə bunun üçün hətta heç-heçə də bəs edirdi. Amma təmsilçimiz doğma meydanda da qalib gələrək, növbəti mərhələyə inamlı qələbə ilə vəsiqə qazanıb.
Qeyd edək ki, "Qəbələ" növbəti mərhələdə Fransanın “Lill” klubu ilə qarşılaşacaq.
Avropa Liqası
İkinci təsnifat mərhələsinin cavab oyunu
21 iyul
“Qəbələ” - MTK - 2:0 (2:0)
Qollar: S.Zenyov, 7 (1:0). T.Uiks, 37 (2:0).
Sarı vərəqə: V.Stankoviç, 16. A.Baki, 35. M.Qrqiç, 85.
Hakimlər: Mete Kalkavan, Ceyhun Səsigözəl, Esat Sancaktar, Sərkan Çinar (hamısı Türkiyə).
Bakı. 8-ci km qəsəbə stadionu.
İlk oyun - 2:1.
"Qəbələ": 22. Dmitri Bezotosnı, 3. Voyislav Stankoviç (44. Rafael, 88), 6. Rəşad Sadiqov (k), 7. Nika Kvekveskiri (4. Elvin Camalov, 79), 9. Sergey Zenyov (11. Asif Məmmədov, 77), 16. Vitali Vernidub, 17. Məhəmməd Mirzəbəyov, 18. Baqali Dabo, 19. Filip Ozobiç, 20. Rikardinyo, 27. Teo Uiks.
Ehtiyat oyunçular: 33. David Petrkeviç, 13. Murad Musayev, 32. Rəşad Eyyubov, 34. Ürfan Abbasov.
Baş məşqçi: Roman Qriqorçuk.
MTK: 1. Loyoş Heqeduş, 4. Akoş Baki, 5. Mato Qrqiç, 9. Darko Nikaç (13. Adam Hrepko, 52), 10. Lorand Sotmari, 14. Şandor Torqelle, 18. Bornobaş Beşe (27. Sobolç Varqa, 78), 19. Yojef Konto (k) (30. Balint Borbey, 73), 23. Daniel Vodonoy, 24. Patrik Poor, 38. Adam Voşş.
Ehtiyat oyunçular: 28. Federiko Qroppioni, 17. Adam Şrammel, 21. Draqan Vukmir, 26. İştvan Sotmari.
Baş məşqçi: Vasilis Teodoru.