Qarabağ məğlubiyyətdən son anda xilas oldu
Bu gün UEFA Çempionlar Liqasının ikinci təsnifat mərhələsi çərçivəsində növbəti cavab oyunları keçirilib. Azerisport.az xəbər verir ki, Azərbaycanın bu turnirdə yeganə təmsilçisi "Qarabağ" Lüksemburqda “Düdelanj”ın qonağı olub.
Bakıdakı ilk görüşdə 2:0 hesablı qələbə qazanan Azərbaycan çempionu mərhələ adlamağa yaxın idi. Təmsilçimiz səfərdə məğlub duruma düşsə də, son dəqiqələrdə vurduğu qol sayəsində hesaba tarazlıq gətirə və növbəti mərhələyə vəsiqə qazana bilib.
UEFA Çempionlar Liqası
İkinci təsnifat mərhələsinin cavab oyunu
20 iyul
“Düdelanj” - “Qarabağ” - 1:1 (0:0)
Qollar: M.N`Diay, 71 (1:0). Reynaldo, 90+4 (1:1).
Matçın 37-ci dəqiqəsində "Düdelanj"ın futbolçusu D.Türpel penaltidən yararlana bilməyib - qapıçı.
Sarı vərəqə: B.Hüseynov, 18. R.Dikaba, 23. Miçel, 27. R.Sadıqov, 65. M.Pokar, 83. C.Diniyev, 87.
Hakimlər: Kevin Klansi, Stüart Stevenson, Sin Karr, Donald Robertson (hamısı Şotlandiya).
Düdelanj. “Yos Nosbaum” stadionu.
İlk oyun - 0:2.
"Düdelanj": 1. Jonatan Juber (k), 2. Kleyton Moreyra, 5. Tom Şnell, 9. Daniel da Mota (30. Aleksandr Lorente, 80), 19. Rodriqe Dikaba, 21. Dominik Ştolts, 25. Kevin Nakaş (8. Mario Pokar, 66), 26. Cerri Prempe, 27. Brayan Meliss, 77. David Türpel, 99. Momar N`Diay (7. Sanel İbrahimoviç, 86).
Ehtiyat oyunçular: 33. Co Frizinq, 10. Yassin Ben-Aciba, 11. Dilan Delinyi, 22. Stelviu.
Baş məşqçi: Dino Topmöller.
"Qarabağ": 13. İbrahim Şehiç, 2. Qara Qarayev (91. Coşqun Diniyev, 82), 5. Maksim Medvedev, 8. Miçel, 9. Reynaldo, 10. Muarem Muarem (11. Mahir Mədətov, 70), 14. Rəşad Sadıqov (k), 20. Riçard Almeyda, 25. Ansi Aqolli, 55. Bədavi Hüseynov, 99. Dani Kintana (22. Əfran İsmayılov, 90+5).
Ehtiyat oyunçular: 12. Şahruddin Məhəmmədəliyev, 15. Rahid Əmirquliyev, 18. İlqar Qurbanov, 32. Elvin Yunuszadə.
Baş məşqçi: Qurban Qurbanov.