Ramin Musayev kubokun final matçının yerini açıqladı
5 may 2016 13:00
Peşəkar Futbol Liqasının prezidenti Ramin Musayev "Neftçi" və "Qarabağ" arasında baş tutacaq final matçının yeri ilə bağlı açıqlama verib. Azerisport.az saytına açıqlamasında o, bunları söyləyib:
"Artıq özüm üçün finalın harada keçiriləcəyini müəyyənləşdirmişəm. Sakitcə oyunu həmin arenaya təyin edə bilərəm. Amma biz demokratik bir ölkədə yaşayırıq. Bunun üçün finalın iştirakçılarının razılığını almaq istəyirəm. Çünki stadion ilk növbədə onlar üçün rahat olmalıdır. Söhbətin hansı stadiondan getdiyini bilmək istəyirsiniz? Ötən gün - "Qarabağ" - "İnter" matçına baxdm. Masazırdakı "Əlincə Arena" çox xoşuma gəldi. Klublar bunun əleyhinə olmasa, final matçını məhz həmin arenada keçirəcəyik".
