Qəbələ Yunanıstana yollandı
25 noyabr 2015 13:00
Avropa Liqasının qrup mərhələsinin beşinci turu çərçivəsində Yunanıstan PAOK-unun qonağı olacaq "Qəbələ" sözügedən ölkəyə yollanıb. Azerisport.az xəbər verir ki, bölgə təmsilçisi Yunanıstana birbaşa Qəbələdən, çarter reysi ilə yola düşüb.
Roman Qriqorçuk bu gün komandasını oyunun keçiriləcəyi "Tumba" stadionunda son məşqə çıxaracaq. Ukraynalı mütəxəssis həmçinin jurnalistlər üçün mətbuat konfransı da təşkil edəcək.
Qeyd edək ki, PAOK - "Qəbələ" oyunu noyabrın 26-dan 27-nə keçən gecə keçiriləcək və saat 00:05-də start götürəcək.