Sergey Zenyov İsveçrəyə qarşı 61 dəqiqə oynadı
13 oktyabr 2015 13:30
"Qəbələ"nin hücumçusu Sergey Zenyov Estoniya yığmasının heyətində növbəti matçına çıxıb. Azerisport.az xəbər verir ki, o, komandasının İsveçrə ilə ev oyununun iştirakçısı olub.
Start heyətdə meydana çıxan Zenyov 61-ci dəqiqədə əvəzlənib. Komandası isə 90+4-cü dəqiqədə buraxılan avtoqol sayəsində meydanı 0:1 hesablı məğlubiyyətlə tərk edib.
Qeyd edək ki, Estoniya yığması 10 xalla qrupda dördüncü yeri tutub.