Kamal Quliyev: İtaliya millisi səhvi bağışlamır
Azərbaycan yığmasının sabiq futbolçusu Kamal Quliyev AÇ-2016-nın seçmə mərhələsi çərçivəsində İtaliyaya qarşı keçiriləcək oyun öncəsi fikirlərini açıqlayıb. Azerisport.az saytına açıqlamasında o, bunları söyləyib:
"İtaliya yığması Avropa nəhənglərindəndir. Amma bu, o demək deyil ki, yığmamız onlara qarşı oynaya bilməz. Robert Prosineçkinin gəlişindən sonra komandamızda dəyişiklik var. Millimiz indi daha yaxşı oynayır. Əsas xarakter nümayiş etdirməkdir. Oyunçular baş məşqçinin tapşırıqlarını maksimum dəqiq yerinə yetirməlidirlər. Az səhvə yol verməyə çalışmaq lazımdır. Çünki İtaliya kimi rəqiblər səhvləri bağışlamır".
Quliyev həmçinin 2002-ci ildə Bakıda İtaliyaya uduzduqları (0:2) qarşılaşmanı da xatırlayıb: "Biz onda yaxşı oynamışdıq. Sadəcə, Emin Ağayevin səhvi nəticəsində yersiz qol buraxdıq. Baxmayaraq ki, əla oynayırdıq. Uğulru nəticə qazana bilərdik. Amma həmin oyun artıq geridə qalıb".