Aleksandr Çertoqanov daha 1 il Sumqayıtın şərəfini qoruyacaq
29 iyul 2015 21:30
"Sumqayıt" Futbol Klubu daha bir futbolçu ilə müqavilənin müddətini artırıb. Azerisport.az xəbər verir ki, sözügedən klub kapitan Aleksandr Çertoqanov ilə 1 illik sazişə imza atıb.
Çertoqanov ötən mövsüm olduğu kimi bu mövsümdə də 18 nömrəli formanı geyinəcək.
Qeyd edək ki, 35 yaşlı Çertoqanov 2014/2015 mövsümündə "Sumqayıt" Futbol Klubunda ən çox oyun keçirmiş 3 futbolçudan biridir. O, ümumilikdə 30 qarşılaşmada 2564 dəqiqə meydanda olub.