Aleksandr Çertoqanov: İnter rəhbərliyi komandanı saxlamaq üçün əlindən gələni edəcək
"Sumqayıt"ın yarımmüdafiəçisi Aleksandr Çertoqanovun azerisport.az saytına müsahibəsi
- "İnter"lə oyundan nə gözləyirsiniz?
- "İnter"ə qarşı oynamaq həmişə çətin olub. Düzdür, onların hazırda maliyyə problemləri var. Amma bunun müvəqqəti olduğunu düşünürəm. Onların gəncləri də meydana qələbə üçün çıxacaqlar.
- Yəni onların hazırkı vəziyyətindən xəbərdarsınız?
- Əlbəttə. Amma əminəm ki, klub prezidenti və rəhbərlik komandanı saxlamaq üçün əlindən gələni edəcək. "İnter"də həmişə peşəkarlar oynayıblar.
- "Qarabağ"ın çempionluğu sizin üçün nə dərəcədə gözlənilən oldu?
- Onlar ilk turlardan sabit nəticə qazanırdılar. Həm sərgilədikləri oyun, göstərdikləri xarakter baxımından hər kəsi qabaqlayırdılar. Ona görə də sonda çempion oldular.
- "Sumqayıt"la müqavilənizin müddəti başa çatır. Növbəti planlarınızı müəyyənləşdirmisiniz?
- Hələ "Sumqayıt"da qalıb-qalmayacağımı bilmirəm. Mənə istirahət edib, düşünmək lazımdır. Ondan sonra qərar verəcəyəm.
- Azərbaycan yığmasına dəvət gözləyirdiniz?
- Baş məşqçi Robert Prosineçki oyunları diqqətlə izləyir. Ona görə də o, hansı futbolçuları lazım bilsə, onlara da dəvət göndərir.
- Yığmaya yeni dəvət olunan Pavel Paşayevi tanıyırsınız?
- Şəxsən tanımıram. Amma oyununu görmüşəm. Fikrimcə, komandaya faydası olacaq. Mən özüm Dnepropetrovskanam, Paşayev isə Zaporojyedə oynayır. Yaxındırlar.
- Karyeranızı başa vurduqdan sonra Azərbaycanda qalmağı düşünmürsünüz?
- Hələ qərar verməmişəm. Şəxsi həyatla məşğul olmaq lazımdır, yaş tələb edir (gülür).
