Cahangir Hacıyev İnterdən ayrılır, büdcə azalır
22 aprel 2015 13:30
Futbol üzrə Azərbaycan Premyer Liqasında cari mövsüm başa çatandan sonra paytaxtın "İnter" klubunda dəyişiklik olacaq. Azerisport.az xəbər verir ki, bankirlərin fəxri prezidenti Cahangir Hacıyevin klubdan ayrılması gözlənilir.
Klubun sponsoru dəyişilməz olaraq qalacaq. Azərbaycan Beynəlxalq Bankı bundan sonra da "İnter"in sponsoru olacaq. Lakin kluba bankın yeni rəhbərliyindən şəxslər cəlb olunacaq.
Eyni zamanda "İnter"in büdcəsi yarıbayarı azaldılacaq.
Qeyd edək ki, klubun fəxri prezidenti Cahangir Hacıyev bir müddət əvvəl Beynəlxalq Bankın İdarə Şurasının rəhbəri vəzifəsindən istefa verib.